గోపీతో రెండో సారి రొమాన్స్‌

ఇప్పుడున్న న‌వ‌త‌రం నాయిక‌ల్లో ప్రామిస్సింగ్ హీరోయిన్‌ గా రేసులో దూసుకుపోతోంది రాశీ ఖ‌న్నా. చూడ‌టానికి బొద్దుగుమ్మ‌లా క‌నిపించినా ఈ అమ్మ‌డికి మ‌న‌వాళ్లు బాగానే అవ‌కాశాలిచ్చి ప్రోత్స‌హిస్తున్నారు. అందం ఉంది.. అభిన‌యం ఉంది.. అంత‌కుమించిన వొగ‌రు ఉంది.. అందుకే రాశీకి ఇలా వ‌ర‌స‌గా అవ‌కాశాలు వెంట‌ప‌డుతున్నాయి. ఇప్ప‌టికిప్పుడు ఈ అమ్మ‌డు న‌టించిన బెంగాల్ టైగ‌ర్ రిలీజ్‌ కి వ‌స్తోంది. ఈ సినిమాతో పాటు.. ప్ర‌స్తుతం మెగా హీరో సాయిధ‌ర‌మ్ స‌ర‌స‌న సుప్రీమ్ మూవీలో న‌టిస్తోంది. ఇంత‌లోనే గోపిచంద్ స‌ర‌స‌న రెండోసారి న‌టించే ఛాన్సొచ్చింది.

గ‌తంలో రాధాకృష్ణ ద‌ర్శ‌క‌త్వంలో గోపిచంద్ - రాశీ ఖ‌న్నా జంట‌గా జిల్ మూవీ వ‌చ్చి యావ‌రేజ్ అన్న టాక్ తెచ్చుకున్న సంగ‌తి తెలిసిందే. అయితే సినిమా యావ‌రేజ్ అయినా ఈ మూవీలో రాశీ పెర్ఫామెన్స్ పెద్ద హిట్ కొట్టింద‌న్న ప్ర‌శంస‌లొచ్చాయి. అందుకే ఇప్పుడిలా గోపిచంద్ మ‌రోసారి పిలిచి మ‌రీ అవ‌కాశం ఇస్తున్నాడు. ఎ.ఎం.ర‌త్నం త‌న‌యుడు ఎ.ఎం.జ్యోతికృష్ణ దర్శ‌క‌త్వంలో ఈ సినిమా తెర‌కెక్క‌నుంది. ప్ర‌స్తుతం స్ర్కిప్టుకి సంబంధించిన ప‌నులు సాగుతున్నాయి. సేమ్ టైమ్ ప్రీప్రొడ‌క్ష‌న్ ప‌నులు జెట్‌ స్పీడ్‌ తో న‌డిపిస్తున్నారు. ఇక కొత్త సంవ‌త్స‌రంలో సంక్రాంతి కానుక‌గా సినిమా ప్రారంభం కానుంద‌ని తెలుస్తోంది. అదీ మ్యాట‌రు.