అఫీషియల్: గోపిచంద్ 28కి రంగం సిద్ధం

హీరోగా కెరీర్ మొదలుపెట్టి ఆపై విలన్ గా రుజువు చేసుకుని మళ్ళీ హీరోగా స్టార్ స్టేటస్ తెచ్చుకున్న గోపీచంద్ తో గత కొంత కాలంగా సక్సెస్ దోబూచులాడుతోంది. అయినా కూడా ప్రత్యేకమైన ఫాలోయింగ్ సొంతం చేసుకున్న గోపిచంద్ ప్రస్తుతం చాణక్య ఫినిషింగ్ లో బిజీగా ఉన్నాడు. దసరా కానుకగా రాబోతున్న ఈ స్పై థ్రిల్లర్ మీద ఇప్పటికే చాలా అంచనాలు ఉన్నాయి. ఇదిలా ఉండగా గోపిచంద్ 28వ సినిమాకు రంగం సిద్ధమయ్యింది.

సంపత్ నంది దర్శకత్వంలో - యుటర్న్ లాంటి సక్సెస్ ఫుల్ మూవీస్ తీసిన శ్రీనివాస చిట్టూరి నిర్మాణంలో ఇది రూపొందనుంది. వచ్చే నెల నుంచి షూటింగ్ మొదలుపెట్టుబోతున్న ఈ సినిమాకు సంబంధించిన హీరోయిన్ ఇతర నటీనటులు టెక్నికల్ టీమ్ తదితర వివరాలు తెలియాల్సి ఉంది. సంపత్ నంది - గోపిచంద్ కాంబినేషన్ లో గతంలో గౌతమ్ నందా వచ్చింది. పాజిటివ్ కం నెగటివ్ షేడ్స్ లో గోపీచంద్ డ్యూయల్ రోల్ చేసిన ఆ మూవీ ఆశించిన ఫలితాన్ని అందుకోనప్పటికీ కమర్షియల్ గా వర్క్ అవుట్ చేసుకుంది.

అప్పుడే సంపత్ మేకింగ్ స్టైల్ నచ్చిన గోపీచంద్ మరో సినిమా చేసేందుకు ఆసక్తి చూపించాడు. అది ఇప్పుడు కార్యరూపం దాల్చబోతోంది. మంచి సాంకేతిక విలువలతో ఇది రూపొందుతుందని హీరో కెరీర్ లో వన్ అఫ్ ది బెస్ట్ మూవీస్ గా నిలుస్తుందని యూనిట్ చెబుతోంది. పవన్ కుమార్ సమర్పణలో రూపొందే ఈ హై బడ్జెట్ మూవీకి దర్శకత్వంతో పాటు కథ స్క్రీన్ ప్లే సంభాషణల విభాగం కూడా సంపత్ నందినే నిర్వహిస్తున్నారు