సైరాతో పోటీ.. క్లారిటీ ఇచ్చిన గోపీచంద్!

యాక్షన్ హీరో గోపీచంద్ కొత్త సినిమా 'చాణక్య' అక్టోబర్ 5 న రిలీజ్ అవుతోందనే సంగతి తెలిసిందే. స్పై థ్రిల్లర్ జోనర్ లో తెరకెక్కిన ఈ చిత్రం ఇంట్రెస్టింగ్ ప్రోమోస్ తో ఆడియన్స్ లో ఆసక్తి కలిగించింది కానీ రిలీజ్ డేట్ మాత్రం చాలామందిని సర్ ప్రైజ్ చేసింది. కారణం.. సరిగ్గా మూడు రోజుల ముందే మెగాస్టార్ చిరంజీవి నటించిన భారీ బడ్జెట్ చిత్రం 'సైరా' రిలీజ్ కానుండడం.

గోపిచంద్ ఈమధ్య ఫ్లాపులతో సతమతమవుతున్నాడు. తప్పనిసరిగా హిట్ సాధించాల్సిన పరిస్థితి.. మరి ఇలాంటప్పుడు ఏకంగా మెగాస్టార్ సినిమాతో పోటీకి వెళ్ళడం అందరికీ షాక్ ఇచ్చింది. ఎందుకంటే మెగాస్టార్ సినిమాకు కనుక పాజిటివ్ టాక్ ఎలా ఉంటుందో అందరికీ తెలిసు. అయినా జస్ట్ మూడు రోజుల గ్యాప్ లో రిలీన్ డేట్ ను ఎందుకు లాక్ చేసుకున్నట్టు? ఈ విషయంపై గోపీచంద్ రీసెంట్ గా క్లారిటీ ఇచ్చాడు. 'చాణక్య' సినిమాను దసరా సీజన్ లో రిలీజ్ చేయాలని ముందే నిర్ణయించుకున్నామని.. 'సైరా' రిలీజ్ డేట్ ను తర్వాత ప్రకటించారని వెల్లడించాడు. దీంతో తమకు వేరే ఆప్షన్ లేకుండా పోయిందని.. దసరా సీజన్ కు ఉండే ఎడ్వాంటేజిని వదులుకోకుడదనే ఆలోచనతో అదే డేట్ తో మందుకు వెళ్తున్నామని చెప్పాడు.

దసరా సీజన్ హాలిడేస్ కాబట్టి రెండు సినిమాలు రిలీజ్ అయినా పెద్దగా ఇబ్బంది ఉండకపోవచ్చు. అయితే ఈ సారయినా గోపిచంద్ ఆశించిన విజయం లభిస్తుందా లేదా అనేది వేచి చూడాలి. తమిళ డైరెక్టర్ తిరు దర్శకత్వంలో తెరకెక్కిన ఈ సినిమాలో గోపిచంద్ సరసన మెహ్రీన్ హీరోయిన్ గా నటిస్తోంది.