గోపీ పూర్తిగా కోలుకుని సెట్స్ కి

ఎగ్రెస్సివ్ హీరో గోపిచంద్ కెరియ‌ర్ డైలమా గురించి తెలిసిందే. గ‌త కొంత‌కాలంగా ఫ్లాపులు వెంటాడుతున్నాయి. అందుకే ఈసారి ఎట్టి ప‌రిస్థితిలో బ్లాక్ బ‌స్ట‌ర్ కొట్టాల‌న్న పంతంతో ఉన్నాడు. ఆ క్ర‌మంలోనే యాక్ష‌న్ హీరో ఇమేజ్ కి త‌గ్గ‌ట్టే ఓ భారీ యాక్ష‌న్ అడ్వెంచ‌ర్ క‌థాంశాన్ని ఎంచుకుని న‌టిస్తున్న సంగ‌తి తెలిసిందే. తిరు ద‌ర్శ‌క‌త్వంలో స్పై థ్రిల్ల‌ర్ బ్యాక్ డ్రాప్ మూవీ ఇది. మెహ్రీన్ - జ‌రీన్ ఖాన్ క‌థానాయిక‌లుగా న‌టిస్తున్నారు. పాకిస్తాన్ బార్డ‌ర్ లో మెజారిటీ పార్ట్ క‌థాంశం సాగనుంది. అయితే ఇటీవ‌లే సెట్స్ లో గోపిచంద్ కి ఊహించ‌ని యాక్సిడెంట్ వ‌ల్ల గాయాలైన సంగ‌తి తెలిసిందే. దీంతో కొన్నాళ్ల పాటు విశ్రాంతి త‌ప్ప‌ద‌ని వైద్యులు కోరారు.

ప్ర‌స్తుతం గోపిచంద్ గాయం నుంచి కోలుకుంటున్నాడు. ఇప్ప‌టికే అంతా ఓకే అని తెలుస్తోంది. ఈ నెల 7 నుంచి సెట్స్ కెళ్లేందుకు రెడీ అవుతున్నాడ‌ట‌. తిరు ద‌ర్శ‌క‌త్వంలో సినిమాని వేగంగా పూర్తి చేసేందుకు ఏర్పాట్లు సాగుతున్నాయి. ఇక ఇప్ప‌టికే ఈ చిత్రం స‌గం పూర్త‌యింది. మ‌రో స‌గం పూర్త‌వ్వాల్సి ఉంది. ఈ సినిమా పూర్త‌వుతుండ‌గానే త‌దుప‌రి సంప‌త్ నంది ద‌ర్శ‌క‌త్వంలోని సినిమా ప్రారంభం కానుంద‌ని తెలుస్తోంది.

గోపిచంద్ - సంప‌త్ నంది కాంబినేష‌న్ సినిమాపై చాలా కాలంగా వార్త‌లు వ‌స్తున్నా ఇప్ప‌టివ‌ర‌కూ సెట్స్ కెళ్ల‌డం కుద‌ర‌లేదు. ఈ జోడీ నుంచి వ‌చ్చిన `గౌతం నందా` ఫ్లాప్ అవ్వ‌డంతో ఆచి తూచి అడుగులు వేయాల్సొచ్చింది. మ‌రోసారి నిర్మాత కె.కె.రాధామోహ‌న్ గోపి- సంప‌త్ ల‌ను క‌లిపి సినిమా తీసే ప్లాన్ లో ఉన్నార‌ని తెలుస్తోంది. ఆగ‌స్టులో ప్రారంభ‌మ‌య్యే సూచ‌న‌లు క‌నిపిస్తున్నాయ‌ట‌. కీర్తి సురేష్ క‌థానాయిక‌గా ఎంపికైంద‌ని వార్త‌లొస్తున్నాయి.