బాలయ్య ఫ్యాన్స్ కోసం గోపీచంద్ కూడా అదే ఫాలో అవుతున్నారా?

నందమూరి బాలకృష్ణ సినిమాలలో ఊర మాస్ యాక్షన్ తో పాటుగా పవర్ ఫుల్ డైలాగ్స్ కూడా ప్రత్యేకంగా నిలుస్తూ ఉంటాయి. మాస్ పాత్రల్లో భారీ డైలాగ్స్ ను ఇంటెన్స్ గా పలకడంలో బాలయ్యకు సాటిలేరని అంటుంటారు. అభిమానులు కూడా ఆయన్నుంచి అలాంటివే కోరుకుంటారు. దీంతో నటసింహంతో వర్క్ చేసే దర్శకులు కూడా తమ సినిమాల్లో సంభాషణలకు ప్రాధాన్యత ఇస్తూ ఉంటారు. ఈ క్రమంలో కొన్ని డబుల్ మీనింగ్ డైలాగ్స్ ను సీనియర్ హీరోతో పలికిస్తుంటారు.

బాలకృష్ణ ఇటీవల కాలంలో నటించిన 'సింహా' 'లెజెండ్' 'పైసా వసూల్' 'లయన్' 'అఖండ' వంటి పలు చిత్రాల్లో డబుల్ మీనింగ్ డైలాగ్స్ ఉన్నాయి. వాటిల్లో ఆయన పాత్ర స్వభావం యాటిట్యూడ్ కు తగినట్లుగా అలాంటి మాటలు పెట్టారు. బాలయ్య ఈ డైలాగులు చెప్పడాన్ని నందమూరి అభిమానులు థియేటర్లలో విపరీతంగా ఎంజాయ్ చేస్తారు కాబట్టి.. మేకర్స్ కూడా ఏమాత్రం వెనుకాడరు. ఇప్పుడు #NBK107 మూవీలో కూడా అలాంటి సంభాషణలు ఉన్నట్లు టాక్ వినిపిస్తోంది.

'క్రాక్' తో బ్లాక్ బస్టర్ అందుకున్న గోపీచంద్ మలినేని.. 'అఖండ' చిత్రంతో అఖండమైన విజయాన్ని సాధించిన బాలకృష్ణ కలసి ఇప్పుడు ఓ హై వోల్టేజ్ యాక్షన్ మూవీ చేస్తున్న సంగతి తెలిసిందే. NBK107 అనే వర్కింగ్ టైటిల్ తో సెట్స్ మీదకు వెళ్లిన ఈ సినిమా షూటింగ్ శరవేగంగా జరుగుతోంది. ఇందులో బాలయ్య ఓ పవర్ ఫుల్ పాత్రలో నటిస్తున్నారు. దీని కోసం కొన్ని డబుల్ మీనింగ్ డైలాగ్స్ రాయబడ్డాయని ఫిలిం సర్కిల్స్ లో అంటున్నారు.

నటసింహానికి వీరాభిమాని అయిన గోపీచంద్ మలినేని.. తన ఫేవరెట్ స్టార్ ని ఇంతకు ముందెన్నడూ చూడని సరికొత్త పాత్రలో ప్రెజెంట్ చేస్తున్నారని ఇప్పటికే రిలీజ్ చేసిన పోస్టర్స్ ను బట్టి అర్థం అవుతుంది. అయితే ఆయన పాత్రను దృష్టిలో పెట్టుకొని రచయిత బుర్రా సాయి మాధవ్ తో పవర్ ఫుల్ డైలాగ్స్ రాయించుకున్నాడట.

అందులో కొన్ని డబుల్ మీనింగ్ కూడా ఉందని అంటున్నారు. సాధారణంగా అగ్ర హీరోలు తమ సినిమాల్లో డబుల్ మీనింగ్ డైలాగులు వాడటానికి పెద్దగా ఇష్టపడరు. కానీ స్క్రిప్ట్ డిమాండ్ చేస్తే అప్పుడప్పుడు చెప్పాల్సి ఉంటుంది. మరి బాలకృష్ణ తో అలాంటి డైలాగ్స్ ను ఏ సందర్భంలో చెప్పించారో చూడాలి.

ఇకపోతే ఈ సినిమాలో బాలయ్య సరసన శ్రుతి హాసన్ హీరోయిన్ గా నటిస్తోంది. దునియా విజయ్ - వరలక్ష్మి శరత్ కుమార్ - లాల్ - నవీన్ చంద్ర తదితరులు కీలక పాత్రలు పోషిస్తున్నారు. చంద్రిక రవి స్పెషల్ సాంగ్ లో ఆడిపాడనుంది. ఎస్ థమన్ సంగీతం సమకూరుస్తున్న ఈ సినిమాకి రిషి పంజాబీ సినిమాటోగ్రఫీ అందిస్తున్నారు.

మైత్రీ మూవీ మేకర్స్ బ్యానర్ పై నవీన్ యెర్నేని - వై రవిశంకర్ ఈ చిత్రాన్ని భారీ బడ్జెట్ తో ఎక్కడా రాజీపడకుండా నిర్మిస్తున్నారు. ఇప్ప‌టికే 40% షూటింగ్ కంప్లీట్ అయింది. త్వరలోనే మేకర్స్ NBK107 మూవీ టైటిల్‌ తో పాటుగా ఓ టీజర్ ను రిలీజ్ చేయనున్నారని టాక్ నడుస్తోంది.