బాలయ్య దర్శకుడి ఫాస్ట్ పేస్డ్‌ ప్రయోగం..!

మొన్న సంక్రాంతికి బాలకృష్ణ ని వీర సింహారెడ్డి గా తీసుకు వచ్చిన దర్శకుడు గోపీచంద్ మలినేని తన గత సినిమా స్థాయి విజయాన్ని సొంతం చేసుకోలేక పోయాడు. రవితేజ తో గోపీచంద్‌ మలినేని రూపొందించిన క్రాక్ సినిమా భారీ విజయాన్ని సొంతం చేసుకోవడంతో వీర సింహారెడ్డి సినిమాను కూడా అదే స్థాయిలో ఊహించుకున్నారు.

క్రాక్‌ మాదిరిగానే బాలకృష్ణ తో కూడా యదార్థ సంఘటనల ఆధారంగా సినిమాను రూపొందించాలని దర్శకుడు గోపీచంద్‌ ప్లాన్ చేశాడు. అందుకోసం కథను కూడా రెడీ చేసుకున్నాడని కానీ బాలయ్య ఇమేజ్ కు తగ్గట్లుగా ఉండాలనే ఉద్దేశ్యంతో వీర సింహారెడ్డి సినిమాను చేయాల్సి వచ్చిందనే వార్తలు వస్తున్నాయి.

వీర సింహారెడ్డి సంక్రాంతి సీజన్ ను బాగానే సద్వినియోగం చేసుకుంది. దాంతో భారీ ఎత్తున వసూళ్లు నమోదు అయ్యాయి.

మరీ నిరాశ పర్చలేదు కనుక గోపీచంద్‌ మలినేని తదుపరి సినిమాను వెంటనే చేయాలనే నిర్ణయానికి వచ్చినట్లుగా తెలుస్తోంది.

తాజాగా అందుతున్న సమాచారం ప్రకారం 24 గంటల్లో జరిగే ఒక ఫాస్ట్‌ పేస్డ్‌ యాక్షన్‌ మూవీని గోపీచంద్‌ ప్లాన్ చేస్తున్నాడట. యంగ్‌ హీరోతో ఇప్పటికే చర్చలు జరుగుతున్నాయని.. ఈ ఫాస్ట్‌ పేస్డ్‌ మూవీ కథ అత్యంత విభిన్నంగా ఉంటుంది అన్నట్లుగా గోపీచంద్‌ మలినేని సన్నిహితులు చెబుతున్నారు.

బాలయ్య దర్శకుడి ఈ ప్రయోగం ఏ మేరకు సక్సెస్ అయ్యేనో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.