పంతం నెగ్గించుకునే పనిలో గోపీచంద్

లౌక్యం సినిమా తరవాత యాక్షన్ హీరో గోపీచంద్ కు హిట్ అన్నదే కరువైపోయింది. ఈ హీరో షూటింగ్ కంప్లీట్ చేసిన సినిమాల్లో ఇంకా రెండు ల్యాబ్ లోనే ఉండిపోయాయి. అవెప్పుడు రిలీజవుతాయో చెప్పలేని పరిస్థితి. రీసెంట్ గా సంపత్ నంది డైరెక్షన్ లో చేసిన గౌతమ్ నందా మూవీపై ఎన్నో ఆశలు పెట్టుకున్నా అది కాస్తా బాక్సాఫీస్ వద్ద బోల్తా కొట్టేసింది.

గోపీచంద్ కెరీర్ కు హిట్ అత్యవసరమైన ఈ టైంలో చక్రి డైరెక్షన్ లో పంతం సినిమా చేస్తున్నాడు. గోపీచంద్ కు కలిసొచ్చిన యాక్షన్ ఎంటర్ టెయినర్ జోనర్ లోనే ఈ సినిమా కూడా చేస్తున్నారు. ప్రస్తుతం ఈ మూవీ షూటింగ్ చకచకా చేస్తున్నారు. రీసెంట్ గా హైదరాబాద్ లోనే క్లైమాక్స్ పోర్షన్ కంప్లీట్ చేశారు. సాంగ్స్ మినహా షూట్ దాదాపుగా పూర్తయిందని తెలుస్తోంది. సాంగ్స్ పిక్చరైజేషన్ కోసం సినిమా యూనిట్ ఇంగ్లండ్ కు బయలుదేరి వెళ్లనుంది.

పంతం సినిమాను కె.కె. రాధామోహన్ ఈ మూవీని ప్రొడ్యూస్ చేస్తున్నారు. ఇందులో హీరోయిన్ గా మెహ్రీన్ పిర్జాదా నటిస్తోంది. రీసెంట్ గా ఈ భామ నటించిన సినిమాలన్నీ ఫ్లాపులే అయ్యాయి. గోపీచంద్ తోపాటు ఈ భామకు కూడా ఇప్పుడు కమర్షియల్ హిట్ చాలా అవసరం.