ఆ హీరో మళ్ళీ విలన్ వేషాలు వేసుకోవాల్సిందేనా...?

తెలుగులోని యాక్షన్ హీరోల్లో గోపీచంద్ పేరు ముందువరుసలో కనిపిస్తుంది. ఆయన సినిమాల్లో ఎమోషన్ .. రొమాన్స్ .. కామెడీ ఇలా అన్ని అంశాలు ఉన్నప్పటికీ యాక్షన్ పాళ్లే ఎక్కువగా ఉంటూ ఉంటాయి. యజ్ఞం - ఆంధ్రుడు - గోలీమార్ - లక్ష్యం - రణం - లౌక్యం చిత్రాల ద్వారా మంచి గుర్తింపు తెచ్చుకున్నాడు. అయితే కొంతకాలంగా గోపీచంద్ సక్సెస్ లేక బాగా వెనకబడిపోయారు. గత కొన్నేళ్ళుగా సూపర్ హిట్ కోసం ఎదురుచూస్తున్నాడు. ఆయన మార్కెట్ బాగా తగ్గిపోయింది. గడిచిన మూడేళ్లలో వరుసగా ఐదు డిజాస్టర్లను గోపీచంద్ అందించారు. ‘జిల్’ సినిమా యావరేజ్ గా నిలిచినా తర్వాత వచ్చిన సినిమాలు పరాజయాన్ని చవిచూశాయి. సౌఖ్యం తో మొదలైన పరాజయాలు ‘పంతం’ వరకు కొనసాగాయి. స్క్రిప్ట్ సెలెక్షన్స్ లో చేసిన పొరపాటు వల్ల ఆయన విజయాలకు దూరమయ్యాడని చెప్పవచ్చు.

ప్రస్తుతం ఫ్లాప్స్ తో స‌త‌మ‌వుతున్న సంపత్‌ నంది దర్శకత్వంలో స్పోర్ట్స్‌ బేస్డ్‌ సినిమా ‘సీటీమార్‌’ వస్తోన్న సంగతి తెలిసిందే. ఇంతకముందు వీరి కాంబోలో వచ్చిన 'గౌతమ్ నంద' సినిమా పరాజయాన్ని చవి చూసింది. 'సీటీమార్‌' గోపీచంద్ 28వ సినిమా. 'యూ టర్న్'లాంటి సూపర్ హిట్ సినిమా అందించిన చిట్టూరి శ్రీనివాసరావు నిర్మాతగా వ్యవహరిస్తున్నారు. ఈ సినిమాలో మిల్కీ బ్యూటీ తమన్నా హీరోయిన్ గా నటిస్తున్నారు. కబడ్డీ ఆట నేపథ్యంలో తెరకెక్కుతున్న ఈ చిత్రంలో గోపీచంద్ కబడ్డీ కోచ్ గా కనిపించనున్నాడు. అయితే ఇప్పుడు ఆగిపోయే అవకాశాలున్నాయని ఇండస్ట్రీలో టాక్ వినిపిస్తోంది.

గోపీచంద్ మంచి మ‌న‌సున్న హీరో.. త‌న ప‌ని తాను చేసుకుంటూ పోతాడు.. అయితే ఏం లాభం మ‌నోడికి హిట్టొచ్చి అయిదేళ్లు అవుతుంది. ఒకప్పుడు వరుస హిట్లతో నిర్మాతల హీరోగా ఉన్న గోపీచంద్ పరిస్థితి ప్రస్తుతం మారిపోయింది. వరుస ప్లాప్ లతో రోజు రోజుకి నాన్ థియేట్రిక‌ల్ రైట్స్ కూడా ప‌డిపోతున్నాయి. దీనికి తోడు ఇప్పుడు కరోనా లాక్ డౌన్ మనోడి కెరీర్ ని కీల‌క మ‌లుపు తిప్పే అవ‌కాశం ఉందట. కారణం మాములు టైమ్ లో ఈ కాంబోకి మార్కెట్ లో మంచి రేటు ప‌లికేదేమో కానీ ఇప్పుడు ప‌రిస్థితుల రీత్యా ఈ ప్రాజెక్ట్ పై ఎవ్వ‌రూ పెద్ద‌గా ఇంట్రెస్ట్ చూపే అవ‌కాశం లేదని ట్రేడ్ వర్గాలు చెప్తున్నాయి. దీంతో ఈ ప్రాజెక్ట్ ని ముందుకు తీసుకెళ్లి న‌ష్ట‌పోవ‌డం కంటే ఇంత‌టితో ఆపిస్తే బెట‌ర్ అనే ఆలోచ‌న‌లో టీమ్ ఉంద‌ని స‌మాచారం. ఇప్పటికే ఫస్ట్ లుక్ రిలీజ్ చేసిన ఈ చిత్ర యూనిట్ ఈ ప్రాజెక్ట్ ఆపేస్తారో.. ముందుకు తీసుకెళ్తారో చూడాలి. ఒకవేళ ఈ ప్రాజెక్ట్ కూడా ఆగిపోతే గోపీచంద్ మ‌ళ్లీ విల‌న్ గా మారి సెకండ్ ఇన్నింగ్స్ స్టార్ట్ చేస్తాడేమో చూడాలి.