గోపీచంద్ ఆక్సిజన్ లో పవర్ ఉంది

ఆక్సిజన్ అంటూ అందరికీ తప్పనిసరి అయిన ఓ ఎలిమెంట్ నే టైటిల్ గా పెట్టుకుని సినిమా చేస్తున్నాడు హీరో గోపీచంద్. మూవీలో కూడా అందరూ తప్పనిసరిగా పాటించాల్సిన ఓ ఎలిమెంట్ చుట్టూతా రాసుకున్న స్టోరీ ఆక్సిజన్ అంటున్నాడు గోపీచంద్. ఇప్పుడీ ఆక్సిజన్ కి ఫస్ట్ లుక్ రిలీజ్ అయ్యింది. హీరో గోపీచంద్ చాలా స్మార్ట్ గా పవర్ ఫుల్ గా కనిపిస్తున్నాడు. చేతిలో ఓ పెద్ద కత్తి పట్టుకుని సీరియస్ లుక్ తో ఉన్న గోపీచంద్ ఆకట్టుకుంటాడు.

వెనుక అంతా కర్రలు పట్టుకుని ఉన్న జనాలను చూస్తుంటే.. ఇదో పవర్ ఫుల్ యాక్షన్ మూవీ అనే విషయం అర్ధమవుతుంది. ఆక్సిజన్ చిత్రానికి ఏఎం రత్నం తనయుడు జ్యోతికృష్ణ దర్శకత్వం వహిస్తున్నాడు. ఆక్సిజన్ లో మరోసారి రాశిఖన్నాతో జత కట్టాడు గోపీచంద్. గతంలో వీరిద్దరూ కలిసి జిల్ లో నటించారు. ఆ కాంబినేషన్ కు అఫ్పట్లో మంచి క్రేజ్ వచ్చింది. ఇప్పుడు మరోసారి అలరిస్తామంటున్నారు ఈ జంట.

ఇక ఆక్సిజన్ చిత్రానికి విడుదల చేసిన ఫస్ట్ లుక్ లో కొత్తగా ఏదన్నా కనిపిస్తోందా అంటే.. అది జగపతి బాబు గెటప్ ఒక్కటే. తెల్లగెడ్డంతో ఓల్డేజ్ లుక్ తో సూపర్బ్ గా ఉన్నాడు జగపతి. ఈ మూవీలో కిక్ శ్యామ్ కీలకపాత్రలో కనిపించనున్నాడు. ఆక్సిజన్ లో గోపీచంద్ ఆర్మీ ఆఫీసర్ గా కనిపించనున్నాడు. ఓ సామాజిక కోణంలోంచి ఎదురయ్యే సమస్య చుట్టూ ఈ మూవీ తిరుగుతుందట.