ఆ హీరో డైరెక్టర్ మారుతీ కోసం తేజను పక్కన పెట్టేసాడా..??

టాలీవుడ్ ఇండస్ట్రీలో ఉన్న హ్యాండ్సమ్ హీరోలలో ఒకరు గోపీచంద్. ప్రస్తుతం సంపత్ నంది దర్శకత్వంలో సీటిమార్ అనే సినిమా చేస్తున్నాడు. ఫస్ట్ టైం గోపీచంద్ క్రీడా నేపథ్యంలో సీటిమార్ సినిమా చేస్తున్నాడు. గోపీచంద్, సంపత్ నంది కాంబినేషన్ లో ఇదివరకే 'గౌతమ్ నంద' అనే సినిమా వచ్చింది. కానీ ఆ సినిమా బాక్సాఫీస్ వద్ద అంతలా ఆకట్టుకోలేక పోయింది. ఇక సీటిమార్ సినిమా అయిపోగానే గోపీచంద్ ను విలన్‌గా పరిచయం చేసిన తేజ దర్శకత్వంలో ఒక సినిమా చేయాల్సి ఉంది.'జయం' మూవీతో పెద్ద బ్రేక్ ఇచ్చిన తేజ డైరెక్షన్‌లో 'అలిమేలుమంగ వేంకటరమణ' అనే సినిమా చేసేందుకు గోపి రెడీగా ఉన్నాడట. తేజ దర్శకత్వంలో గోపి హీరోగా చేయడం ఇదే మొదటిసారి. కొత్త ఏడాది ప్రారంభంలో తేజతో సినిమా సెట్స్ పైకి వెళ్లనుందని అంతా అనుకుంటున్నారు.

ఈ సినిమాలో వేంకటరమణ క్యారెక్టర్‌ను గోపీ చేయనుండగా, అలిమేలుమంగ పాత్రను ఎవరు చేస్తారనేది ఇంతవరకు ఇండస్ట్రీలో ఆసక్తికరమైన ప్రశ్న. అయితే అలిమేలుమంగ క్యారెక్టర్‌కు సంబంధించి ఫిల్మ్‌నగర్‌లో పలువురు హీరోయిన్ల పేర్లు జోరుగా వినిపించాయి. ఇక ఇవన్నీ పక్కన పెడితే.. హీరో గోపీచంద్ తేజతో సినిమాను ఆపేయాలనే ఆలోచనలో ఉన్నట్లు సన్నిహిత వర్గాల టాక్. ఎందుకంటే తాజాగా సీటిమార్ తర్వాత డైరెక్టర్ మారుతీతో పక్కా కమర్షియల్ మూవీ చేసే అవకాశం ఉందట. మారుతీతో చేయబోయే కామెడీ ఎంటర్టైనర్ కోసం గోపి తేజ సినిమాను పక్కన పెట్టినట్లు తెలుస్తుంది. నిజానికి రవితేజ చేయాల్సిన ఈ పక్కా కమర్షియల్ మూవీ.. ఆయన రెమ్యూనరేషన్ ప్రాబ్లెమ్ తో ప్రాజెక్ట్ నుండి తప్పుకున్నాడట. ఇక మారుతీ వెంటనే గోపీచంద్ దగ్గరికి రాగానే ఓకే చెప్పేసాడు. ప్రస్తుతం తేజ తన అలివేలు మంగ కోసం హీరోను వెతికే పనిలో పడ్డాడట. చూడాలి మరి గోపీచంద్ - మారుతీలు ఎలాంటి మ్యాజిక్ చేస్తారో..!!