చైతూ సరే.. మరి చరణ్ తో లేదా??

గౌతమ్ మీనన్ డైరెక్షన్ అన్నా. అతని సినిమాలన్నా ఇలా ఉంటాయి అని ఓ పర్ ఫెక్ట్ వ్యూ ఉంది. ప్రస్తుతం నాగ చైతన్యతో సాహసం శ్వాసగా సాగిపో అనే చిత్రాన్ని తీస్తున్నాడు గౌతమ్. సాఫ్ట్ లవ్ స్టోరీలకు యాప్ట్ గా సరిపోయే చైతూను వదిలేందుకు ఈయన సిద్ధంగా లేడు. అలాగే తనకు పేరు తెచ్చే మూవీస్ ని అందిస్తున్న గౌతమ్ మీనన్ అన్నా.. నాగచైతన్యకు ప్రత్యేక అభిమానం ఉంది.

అందుకే వీళ్లిద్దరూ కలిసి త్వరలో మరో మూవీ స్టార్ట్ చేయనున్నారు. 4 భాషల్లో ఒకేసారి తెరకెక్కే ఈ చిత్రానికి తెలుగువెర్షన్ లో చైతూ హీరో కాగా.. తమిళ్ లో శింబు - కన్నడలో పునీత్ రాజ్ కుమార్ చేయబోతున్నారు. మళయాళంలో హీరోని ఎంపిక చేయాల్సి ఉంది. అయితే.. ఇక్కడో విషయం ఆలోచించాల్సి ఉంది. గౌతమ్ మీనన్ మూవీస్ అంటే సినిమాటోగ్రఫీ పరంగా సూపర్బ్ గా ఉంటాయి. విజువల్ గా వండర్ అనిపిస్తాయి. ప్రతీ ఫ్రేం అందంగా వచ్చేవరకూ ఈయన ఏమాత్రం కాంప్రమైజ్ కాడు. అందుకే లేట్ అవుతాయి గౌతమ్ మీనన్ మూవీస్. మరి ఈ డైరెక్టర్ మెగాపవర్ స్టార్ రామ్ చరణ్ తో మూవీ చేస్తానని గతంలో చెప్పాడు. చెర్రీ కూడా ఈ ప్రాజెక్ట్ పై ఇంట్రెస్ట్ చూపించాడు. యాక్షన్ లవ్ స్టోరీగా తెరకెక్కుతుంది అని గౌతమ్ మీనన్ చెప్పాడు కూడా.

తనిఒరువన్ తర్వాత స్టార్ట్ అయ్యే చరణ్ మూవీ ఇదే అన్నారు గతంలో. మరిప్పుడు గౌతమ్ మీనన్ చూస్తుంటే.. నెక్ట్స్ వెంచర్ ని చైతూతో చేయడం కన్ఫాం అనిపిస్తోంది. మరి రామ్ చరణ్ తో మూవీ ఏమయిందో అర్ధం కావడం లేదు. దీని ప్రకారం.. చెర్రీ, గౌతమ్ మీనన్ ల ప్రతిపాదిత ప్రాజెక్ట్ అటకెక్కేసింది అనుకుంటున్నారు చాలామంది.