ఇందుకు క‌దా జ‌క్క‌న్న‌ని గ్రేట్ అనేది!

మ‌న‌ల్ని మ‌నం గొప్ప అని ఫీల‌వ్వ‌డ‌మే కాదు.. మ‌న చుట్యూ వున్న వాళ్ల గ్రేట్ నెస్ ని కూడా గుర్తించ‌గ‌ల‌గాలి. అలాంటి ప‌నే జ‌క్క‌న్న ఎలాంటి ఈగోల‌కు పోకుండా చేస్తూ తను ఎంత ఓదిగినా ఒదిగే వుంటాన‌ని నిరూపించుకుంటున్నారు. అందుకే జ‌క్క‌న్న‌ని అంతా గ్రేట్ అంటున్నారు. రాజ‌మౌళి.. యావ‌త్ ఇండియ‌న్ ఫిల్మ్ ఇండ‌స్ట్రీ మొత్తం మారిమోగిపోతున్న పేరిది. 'బాహుబ‌లి'తో లార్జ‌ర్ దెన్ లైఫ్ సినిమాల‌కు కేరాఫ్ అడ్ర‌స్ గా మారిపోయిన జ‌క్క‌న్న ఇప్ప‌డు 'RRR'తో వ‌ర‌ల్డ్ వైడ్ గా హాట్ టాపిక్ గా మారిపోయారు.

సాధార‌ణ ప్రేక్ష‌కుడి ఊహ‌కు అంద‌ని స్థాయిలో సినిమాలే చేస్తూ నిర్మాల‌కు కూడా అదే స్థాయిలో లాభాల్ని తెచ్చి పెడుతూ వ‌రుస విజ‌యాల్ని, బ్లాక్ బ‌స్ట‌ర్ల‌ని అందిస్తూ ద‌ర్శ‌కుడిగా ప్ర‌తీ ఒక్క‌రికి స‌వాల్ విసురుతూనే త‌న‌కు తానే టార్గెట్ ల‌ని సెట్ చేసుకుంటూ ముందుకు సాగుతున్నాడు.

బాహుబ‌లి సిరీస్ సినిమాల‌తో భారీ స్థాయి క్రేజ్ ని ద‌క్కించుకున్న రాజ‌మౌళి 'RRR'తో వ‌ర‌ల్డ్ వైడ్ గా తిరుగులేని గుర్తింపుని సొంతం చేసుకోవ‌డ‌మే కాకుండా హాలీవుడ్ లోనూ చ‌ర్చ‌నీయాంశంగా మారాడు. 'RRR'తో వ‌రుస అవార్డుల్ని ద‌క్కించుకుంటూ ఆస్కార్ బ‌రిలో నిల‌వాల‌ని లాబీయింగ్ చేస్తున్న రాజ‌మౌళి అనుకున్న‌ట్టుగానే 'RRR'తో లో ఆస్కార్ లో సంచ‌ల‌నం సృష్టించ‌డం ఖాయం అనే కామెంట్ లు వినిపిస్తున్నాయి.

గ‌త కొన్ని రోజులుగా హాలీవుడ్ లో హంగామా చేస్తూ వ‌చ్చిన రాజ‌మౌళి 'RRR' ని ఆస్కార్ క‌మిటీ దృష్టిలో ప‌డేయ‌డానికి ఎంత చేయాలో అంత చేశాడు. ఇప్పుడు ఆ ప్ర‌య‌త్నాల‌కి ప్ర‌తిఫ‌లంగా వ‌రుస‌గా 'RRR'కు ఇంట‌ర్నేష‌న‌ల్ అవార్డ్ లు ఒక్కొక్క‌టిగా వ‌రిస్తున్నాయి. ఇదిలా వుంటే భారీ కాన్వాస్ వున్న లార్జ‌ర్ దెన్ లైఫ్ వున్న సినిమాల‌కు కేరాఫ్ అడ్ర‌స్ గా నిలుస్తున్న రాజ‌మౌళి త్వ‌ర‌లో సూప‌ర్ స్టార్ మ‌హేష్ బాబుతో ఓ భారీ యాక్ష‌న్ అడ్వెంచ‌ర‌స్ మూవీని తెర‌పైకి తీసుకురాబోతున్న విష‌యం తెలిసిందే.

భ‌రీ సినిమాలు చేస్తున్నా.. ఎంత ఎదిగినా ఒదిగి వుంటున్నారు. త‌న సినిమాని మిగ‌తా వాళ్లు పొగుడుతున్న‌ట్టే ఇత‌రుల సినిమాల‌ని కూడా ప్ర‌శంసిస్తూ ఆక‌ట్టుకుంటున్నారు. ఆ మ‌ధ్య క‌న్న‌డ బ్లాక్ బ‌స్ట‌ర్ 'కేజీఎఫ్ 2'పై ప్ర‌శంస‌ల వ‌ర్షం కురిపించిన రాజ‌మౌళి తాజాగా 'కాంతార‌' మూవీపై ప్ర‌శంస‌ల వ‌ర్షం కురిపించారు. రిష‌బ్‌ శెట్టి హీరోగా న‌టించి తెర‌కెక్కించిన ఈ మూవీ దేశ వ్యాప్తంగా సంచ‌ల‌నాలు సృష్టించిన విష‌యం తెలిసిందే.

భారీ బ‌డ్జెట్ తో సినిమాలు రూపొందించే ద‌ర్శ‌కుల‌కు రిష‌బ్‌శెట్టి రూపొందించిన 'కాంతార‌' స‌రికొత్త ఛాలెంజ్ గా నిలుస్తుంద‌న్నారు. 'కాంతార‌' త‌న లాంటి డైరెక్ట‌ర్ల‌పై చాలా ఒత్తిడిని పెంచింద‌న్నారు. ఇటు వంటి అసాధార‌ణ ఫీట్ ని మేక‌ర్స్ విజ‌య‌వంతంగా అధిగ‌మించ‌డం గ్రేట్ అని కొనియాడారు. అంతే కాకుండా ఇలాంటి సినిమాల‌ని ప్రేక్ష‌కుల త‌ప్ప‌కుండా ఆద‌రిస్తార‌ని నిరూపించార‌న్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.