హిరణ్యకశిపుడు ఆగలేదు.. ఆన్ ది వే

ఏ దర్శకుడికైనా ఒక స్పెషల్ టాలెంట్ ఉంటుంది. అది లేకపోతే ఎన్ని విజయాలు అందుకున్న వారికి గుర్తింపు ఉండదు. ఒక స్పెషల్ మేకింగ్ స్టైల్ ఉంటే వారికి ఎన్ని అపజయాలు వచ్చినా మరో ఛాన్స్ వచ్చే అవకాశం ఉంటుంది. ఆ విధంగా అవకాశాలను దక్కించుకుంటున్న వారిలో గుణశేఖర్ ఒకరు. తన మేకింగ్ స్టైల్ లో సినిమాను కమర్షియల్ గా తీస్తూ ఉంటారు. సినిమా అపజయాన్ని అందుకున్నా ఎదో ఒక ఎపిసోడ్ లో అందరినీ ఆకట్టుకుంటారు.

ముఖ్యంగా చూడాలని ఉంది సినిమాతో మెగాస్టార్ ని కొత్తగా చూపించి హిట్ అందుకున్న ఈ దర్శకుడు. అదే విధంగా ఒక్కడు సినిమాను తీసి మహేష్ కెరీర్ కి బూస్ట్ ఇచ్చాడనే చెప్పాలి. ఆ తర్వాత ఆ స్థాయిలో హిట్ అందుకోని ఆయన రుద్రమదేవి తో పర్వాలేదు అనిపించారు. ఇప్పుడు మళ్లీ మరో కొత్త తరహా కథతో రాబోతున్నాడు. రానాతో హిరణ్యకశ్యపుడు అనే మైథలిజికల్ మూవీని తీయడానికి రెడీ అవుతున్నాడు. భారీ బడ్జెట్ తో ఈ సినిమాను తెరకెక్కించడానికి గుణశేఖర్ ప్లాన్ చేస్తున్నాడు. పౌరాణిక సినిమాలపై గుణశేఖర్ కి మంచి పట్టు ఉంది. ఎందుకంటే ఆయన బాల రామాయణం సినిమా తీసి మంచి గుర్తింపు తెచ్చుకున్నారు. ఇప్పుడు మళ్లీ అదే తరహాలో ట్రై చేయనున్నారు. అయితే ఈ ప్రాజెక్ట్ ఆగిందంటూ రూమర్లు రావడంతో.. ఇప్పుడు వెరిఫై చేస్తే ఒక క్లారిటీ వచ్చింది.

అసలు రానా ఈ పాత్రను చేయడానికి చాలా ఇష్టపడుతున్నాడట. పైగా గుణ శేఖర్ పౌరాణిక చిత్రాలను తీయడంలో అనుభవం ఉందని రానా ఏ మాత్రం ఈ ఛాన్స్ ని వదులుకోవడానికి ఇష్టపడటం లేదని తెలుస్తోంది. రీసెంట్ గా గుణశేఖర్ - సురేష్ బాబుతో రెండు మూడు సార్లు సిట్టింగ్ లు వేసినట్లు తెలుస్తోంది. భారీ బడ్జెట్ తో కూడుకున్న చిత్రం కనుక పూర్తి ప్రణాళికలు సిద్దమైన తర్వాత సినిమాను స్టార్ట్ చేయాలనీ సురేష్ బాబు అనుకున్నారట. చూడాలి మరి ఎప్పుడు స్టార్ట్ అవుతుందో..