గ్లామర్‌తో కొడుతున్నావ్‌ గుణ!!

మొన్నటివరకు ''రుద్రమదేవి'' అంటే మన ఖ్యాతి, మన ప్రెస్టీజ్‌, మన చరిత్ర అంటూ సెంటిమెంట్‌తో కొట్టాడు దర్శకుడు గుణశేఖర్‌. అసలే ఈ సినిమాకు తన దగ్గర ఉన్నదంతా పెట్టేశాడు మన డైరక్టర్‌. అందుకే ఈ సినిమాను ఎలాగైనా సరైన టైములో రిలీజ్‌ చేసి చక్కగా క్యాష్‌ చేసుకోవాలని చూస్తున్నాడు. అయితే మొన్నటి వరకు ప్రయోగించిన అస్త్రాలన్నీ కాస్త డిజప్పాయింట్‌ చేయడంతో ఇప్పుడు సరైన వెపన్‌ను దించేస్తున్నాడు.

అప్పట్లో కేవలం అనుష్క రౌద్రబరితమైన లుక్‌ మీదే ఎక్కువగా ఫోకస్‌ పెట్టాడు గుణ. ఆ తరువాత అల్లుఅర్జున్‌ మీద ఫోకస్‌ చేశాడు. ఇకపోతే ఇప్పుడు టీజర్లూ గట్రా వచ్చేశాక ఇక సినిమాలో ఆకట్టుకొనే ఎలిమెంట్‌ ఏముందా అని చూస్తే.. ఏకంగా రాణి గారి గ్లామర్‌తో మనోడు దాడి చేయిస్తున్నాడు. పైగా సినిమాలో రాణి కజిన్‌ సిస్టర్స్‌గా యాక్ట్‌ చేస్తున్న క్యాథరీన్‌ త్రెసా, నిత్యా మీనన్‌లు కూడా ఒక పాటలో గ్లామర్‌ కోసం బాగానే కష్టపడ్డారు. ఇకపోతే ఆ పాట స్టిల్స్‌ చూస్తుంటే మాస్‌లో ఎనలేని ఉత్తేజం వచ్చేస్తోందంతే. చూస్తుంటే ఈ గ్లామర్‌ కారణంగా సినిమాకు ఓపెనింగులు బాగానే వచ్చేసే ఛాన్సుంది మరి. ఎంతైనా గ్లామర్‌ దాడి గ్లామర్‌దే.