బీస్ట్ లానే తునివు.. దర్శకుడు ఏమన్నారంటే!

తమిళ ఇండస్ట్రీలో ఊర మాస్ ఫ్యాన్ ఫాలోయింగ్ ఉన్నవారిలో అజిత్ ఒకరు. ఇక ఈ సంక్రాంతి అతను విజయ్ సినిమాతో పోటీపడుతూ బాక్సాఫీస్ వద్ద సరికొత్త రికార్డులు క్రియేట్ చేయడానికి రెడీ అయ్యాడు. ఒక విధంగా వారసుడు సినిమా రెగ్యులర్ కమర్షియల్ ఫ్యామిలీ సినిమా గా రాబోతుంటే మరోవైపు అజిత్ తెగింపు(తునివు) సినిమా మాత్రం మంచి యాక్షన్ హై వోల్టేజ్ మూవీ గా రాబోతుంది.

రెండు సినిమాలు కూడా డిఫరెంట్ స్టైల్లోనే ప్రేక్షకుల ముందుకు రాబోతున్నాయి. అయితే ఈ క్రమంలో ఇరు వర్గాల అభిమానుల మధ్య పోటీ కూడా చాలా ఎక్కువ అయింది. సోషల్ మీడియాలో అయితే రోజు ఏదో ఒక నెగిటివ్ టాక్ అయితే ఒక రేంజ్ లో ట్రెండ్ అవుతుంది. ఇక ఈ సినిమా లకు కాపీ అంటూ కూడా ఎవరికివారు చాలా రకాలుగా కామెంట్స్ అయితే చేస్తున్నారు.

ముఖ్యంగా అజిత్ సినిమా బీస్ట్ సినిమాకు కాపీ అంటూ కూడా ఊహించిన విధంగా కామెంట్ చేస్తున్నారు. బీస్ట్ సినిమాలో హీరో ఒక షాపింగ్ మాల్ లో ఉన్న ప్రజలను ఉగ్రవాదులనుంచి ఎలా కాపాడాడు అనే పాయింట్ తో తెరపైకి వచ్చింది. అయితే ఇప్పుడు అజిత్ తునివు ట్రైలర్ను బట్టి హీరో ఒక బ్యాంకును ఎలా లూటీ చేసాడు అలాగే అక్కడ ఉన్న వారిని ఎలా బందీలుగా చేశాడు అనే పాయింట్ తో రాబోతోంది.

ఇక ఈ రెండు సినిమాలకు ఒకే తరహా పోలికలు ఉన్నాయి అని ప్రచారాలు చేస్తున్న సమయంలో దర్శకుడు క్లారిటీ ఇచ్చే ప్రయత్నం చేశాడు. ఈ సినిమాకు హెచ్ వినోథ్ దర్శకత్వం వహించాడు. అతను మాట్లాడుతూ.. రెండు సినిమాల కథలు కామన్ గా అయితే ఒక ప్రదేశంలోనే కదా కొనసాగుతూ ఉండడం వలన అలా ఉంటుందని అందరూ అనుకుంటున్నారు.

కానీ నిజానికి తునివు సినిమా చాలా డిఫరెంట్ గా ఉంటుంది. ఒక విధంగా అలా ప్రచారాలు చేసేవారు ఈ సినిమాకు ప్రమోషన్ చేస్తున్నారు అని చెప్పవచ్చు. ఎందుకంటే సినిమా చూసిన తర్వాత ఎట్టి పరిస్థితుల్లోనూ బీస్ట్ తో పోలికలు ఉండవు అని గ్రహిస్తారు. తప్పకుండా ఈ సినిమా సరికొత్త అనుభూతిని కలిగిస్తుంది అనే నమ్మకం ఉంది అని వినోద్ క్లారిటీ ఇచ్చే ప్రయత్నం చేశాడు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.