సాంగ్ టాక్‌: హాలీ హాలీ స్పైడర్

మహేష్‌ బాబు 'స్పైడర్' సినిమా ఆడియోను.. ఒకటే రోజున పాటలన్నీ జస్ట్ అలా ఒక సిడి రూపంలో రిలీజ్ చేసేయకుండా.. రోజుకో పాట తరహాలో టీజర్లను వదులుతున్నారు. ముఖ్యంగా మెలోడియస్ మ్యూజిక్ అందించడంలో స్పెషలిస్ట్ అయిన హారిస్ జైరాజ్ కంపోజ్ చేసిన మ్యూజిక్ కాబట్టి.. ఆ పాటల్లో కమ్మదనం ఫ్యాన్స్ బాగానే ఎంజాయ్ చేస్తారని తెలిసే ఇలా చేస్తున్నారనమాట.

ఆల్రెడీ 'బూమ్ బూమ్' అనే పాటను రిలీజ్ చేసి ఇంప్రెస్ చేసిన స్పైడర్ టీమ్.. ఇప్పుడు హీరోహీరోయిన్లపై వచ్చే ఒక ఊపున్న పాటను రిలీజ్ చేశారు. హాలీ హాలీ హాలిబీ అంటూ అరబిక్ మాటలతో పిలువబడుతున్న ఈ పాటలో మహేష్‌ అండ్ రకుల్ ప్రీత్ కాంబినేషన్ అదిరిపోయిందని ఆ విజువల్స్ చూస్తే తెలుస్తుంది. అయితే పాట తీరంతా కాస్త తమిళ్ స్టయిల్లో ఉందని అనిపించినప్పటికీ.. పాటలో ఎప్పటిలాగానే తన స్ర్టింగ్స్ తాలూకు స్వీట్ సౌండింగ్ తో ''పుచ్చకాయ పుచ్చకాయ పెదవితీపి నాకు ఇచ్చుకోవే ఇచ్చుకేవో'' అంటూ హారిస్ అదరగొట్టేశాడు. మధ్యలో వచ్చే ఫ్లూట్ బిట్స్ కూడా బాగున్నాయి.

గతంలో మున్నా.. సైనికుడు పాటలు కూడా తొలుత విన్నప్పుడు ఏదోలా ఉన్నాయే అనిపించాయి కాని.. తరువాత ఆల్బమ్ అంతా పెద్ద హిట్ అయిపోయింది. ఇప్పుడు ఈ పాట కూడా అదే తరహాలో ఉందిలే. ఈ నెల 27న మురుగుదాస్ డైరక్షన్లో రూపొందిన స్పైడర్ సినిమా విడుదలవ్వనున్న సంగతి తెలిసిందే. ఇకపోతే ఈ పాట వీడియోలో మహేష్‌ కూతురు సితార అలా తళుక్కుమనగానే.. స్ర్కీన్ మెరిసింది. కావాలంటే మీరు ప్రయత్నించండి!!