బాలయ్య బర్త్ డేకి అమెరికాలో హంస

జూన్ 10 వ తారీఖున నందమూరి నటసింహం బాలకృష్ణ పుట్టిన రోజు. ఇంకా ఆ రోజుకు 20 రోజులు ఉండగానే.. నందమూరి అభిమానుల ఏర్పాట్లు మొదలైపోయాయి. ఇక్కడే కాదు.. అమెరికాలో కూడా భారీ ఈవెంట్లు జరగనున్నాయి. ఈసారి తన పుట్టిన రోజును అమెరికాలో జరుపుకోనున్నారు బాలయ్య.

ప్రస్తుతం మొరాకోలో తన వందో సినిమా 'గౌతమిపుత్ర శాతకర్ణి' షూటింగ్ లో ఉన్న బాలయ్య.. అక్కడి నుంచి నేరుగా అమెరికా వెళతారు. అక్కడ జరిగే పలు ఛారిటీ ఈవెంట్స్ లో పాల్గొంటారు. బసవతారకం కేన్సర్ ఆస్పత్రి కోసం నిధుల సమీకరణలో భాగంగా.. ప్రత్యేక కార్యక్రమాలు జరగనున్నాయి. ఈ కార్యక్రమంలో బాలయ్యతో పాటు టాలీవుడ్ ఐటెం సుందరి హంసానందిని పెర్ఫామ్ చేయనుందని తెలుస్తోంది.

ఇప్పటికే సీనియర్ ఎన్టీఆర్ - బాలకృష్ణ పాటలకు సంబంధించిన మెడ్లేను హంసా నందిని ప్రాక్టీస్ చేస్తోంది. కాలిఫోర్నియాలో జరిగే కార్యక్రమంలో.. బాలయ్యకు జత కానుందట ఈ ఐటెం భామ. లెజెండ్ మూవీలో ఓ సారి బాలయ్యతో ఆడిన ఈ సుందరాంగికి.. బాలయ్యతో లైవ్ పెర్ఫామెన్స్ ఇచ్చే ఛాన్స్ వచ్చిందన్న మాట. మాములుగానే తెగ యాక్టివ్ గా ఉండే బాలయ్య.. లైవ్ పెర్ఫామెన్స్ లలో మరింతగా రెచ్చిపోతారు. అలాంటి బాలకృష్ణకు.. హంస లాంటి సుందరాంగి తోడైతే.. ఇక స్టేజ్ అదుర్స్ అన్నమాటే.