ఐటెమ్‌ నెంబర్లతో ఎంకరేజ్‌ చేస్తున్నారంతే

మిర్చి మిర్చి.. మిరా మిరా చూశావే.. అంటూ ఏరోజు అయితే సాంగేసుకుందో .. ఆరోజునుంచి హంస‌కి క్ష‌ణం తీరిక లేదు. మిర్చి సాంగ్ సూప‌ర్‌ హిట్టు. సినిమా కూడా పెద్ద హిట్టు. ఆ హిట్టొచ్చిన ముహూర్తం బావుంది. అందుకే ఆ త‌ర్వాత హంసానందిని ఐటెమ్ చేస్తే సినిమా హిట్టే అన్న ప్ర‌చారం ఊపందుకుంది. దాంతో మ‌న హీరోలంతా హంస వెంట‌ప‌డ్డారు.

వ‌రుస‌గా త‌మ సినిమాల్లో హంసా నందిని కోసం ప్ర‌త్యేకించి ఐటెమ్ నంబ‌ర్‌ ని క్రియేట్ చేసి ఎంక‌రేజ్ చేశారు. అత్తారింటికి దారేది - భాయ్‌ - లౌక్యం .. ఇలా ఏ సినిమా చూసినా హంస న‌డుము సింగారాన్ని ఆవిష్క‌రించిన ఐటెమ్ నంబ‌ర్లున్నాయ్‌. రీసెంటుగానే రుద్ర‌మ‌దేవి 3డిలో అంతఃపుర ర‌హ‌స్యాల్ని శ‌త్రువుకు చేర‌వేసే సీక్రెట్ వేగు పాత్ర‌లో క‌నిపించి ఆక‌ట్టుకుంది. మ‌త్తెక్కించే ఒంపు సొంపుల‌తో ఐటెమ్ నంబ‌ర్‌ లో కూడా న‌ర్తించింది.

లేటెస్టుగా అందుకు కంటిన్యూష‌న్ పార్ట్ కొన‌సాగుతూనే ఉంది. ఇప్ప‌టికిప్పుడు నాగార్జున హీరోగా న‌టిస్తున్న సోగ్గాడే చిన్నినాయ‌నా చిత్రంలో ఓ మెస్మ‌రైజింగ్ సాంగ్ చేసింది. కింగ్ హంస బుగ్గ ప‌ట్టుకుని గిల్లేసే స‌న్నివేశాన్ని టీజ‌ర్లో కూడా చూపించారు. సేమ్ టైమ్ అల్లు శిరీష్ హీరోగా ప‌ర‌శురామ్ ద‌ర్శ‌క‌త్వంలో తెర‌కెక్కుతున్న సినిమాలోనూ ఓ అదిరిపోయే ఐటెమ్ నంబ‌ర్ చేస్తున్నానంటూ చెప్పుకొచ్చింది.

ఐటెమ్ నంబ‌ర్ల‌లోనే కిక్కుంది. దాని వ‌ల్ల బోలెడంత గుర్తింపు కూడా వ‌చ్చింది. ఇంకా చెప్పాలంటే ఇంత లాంగ్ టైమ్ కెరీర్‌ని సాగిస్తున్నానంటే అది ఐటెమ్ ఇచ్చిన కిక్కువ‌ల్ల‌నే.. అంటూ చెప్పుకొచ్చింది. త‌న‌ని ఐటెమ్ నంబ‌ర్ చేయాలంటూ గ్రూవ్ చేసే ద‌ర్శ‌క‌నిర్మాత‌లంటే ఎంతో ఇష్ట‌మ‌ని చెప్పింది. అదీ మ్యాట‌రు.