ఆ కొండ కోన‌లు జ‌ల‌పాతాలు ధ‌న్యం హంసా!

ప్ర‌కృతి అందాల‌ న‌డుమ సేద తీరాలి. ప్ర‌శాంత వాతావ‌ర‌ణంలో చిత్త‌గించాలి. ఆహ్లాద‌క‌ర వాతావ‌ర‌ణంలో జీవ‌నం మ‌నిషికి అవ‌స‌రం అంటూ ప్ర‌చారం చేస్తోంది హంసా నందిని. ఇంత‌కుముందు ప‌చ్చ‌ని కొండ‌ల్లో యోగాస‌నాల‌తో ప్ర‌త్య‌క్ష‌మైన హంస ఎక్క‌డుంది? అన్న‌ది ఆరా తీస్తే కేర‌ళ మున్నార్ ప‌రిస‌రాల్లో ఉంద‌ని అర్థ‌మైంది. అక్క‌డ టూరిజానికి హంస చేసిన ప్ర‌చారం అంతా ఇంతా కాదు.

తాజాగా ఈ అమ్మ‌డు షేర్ చేసిన ఫోటోలో ఎంతో సుంద‌ర‌మైన‌ ప్రదేశం.. కొండ‌లు కోన‌లు జ‌ల‌పాతాలు క‌నిపిస్తున్నాయి. ప్ర‌కృతిని ప్రేమించి అందులో మ‌మేకం కావాలంటే మంచి మ‌న‌సుండాలి. అది హంస‌కు ఉంద‌నడానికి రుజువు ఇదే.

గ‌త కొంత‌కాలంగా టాలీవుడ్ స‌ర్కిల్స్ కి దూరంగా ఉన్న హంస మోడ‌లింగ్ స‌హా ఇన్ స్టా యూట్యూబ్ మాధ్య‌మాల్లో బిజీగా ఉంటోంది. త‌న‌కు వాణిజ్య ప్ర‌క‌ట‌న‌ల ద్వారా బాగానే ఆదాయం ముడుతోంద‌ట‌.