మాస్‌ రాజా స్టెప్పుల్లో మాసిజం సూపరు

మాస్‌ మహరాజ్‌ రవితేజ హీరోగా సంపత్‌ నంది దర్శకత్వంలో బెంగాళ్‌ టైగర్‌ తెరకెక్కుతున్న సంగతి తెలిసిందే. ఈ సినిమా ఇంట్రడక్షన్‌ సాంగ్‌ లో ఐటెమ్‌ భామ హంసా నందిని స్టెప్పులు అదరగొట్టేసిందని ప్రచారం సాగుతోంది. ఇదే ప్రశ్న హంసపై సంధిస్తే ఏం చెప్పిందో తెలుసా?

మాస్‌ మహారాజ్‌ ఫ్రీస్టయిల్‌ స్టెప్పుల్ని డామినేట్‌ చేయడం కష్టం. హిప్‌ హాప్‌ అదరగొట్టేస్తాడు. బెంగాళ్‌ టైగర్‌ టైటిల్‌ ని, పాత్రని ఎలివేట్‌ చేసేలా ఇంట్రడక్షన్‌ పాట ఉంటుంది. అందులో రవితేజ స్టెప్పులు అదరగొట్టేశాడు. ఒకసారి రింగులోకి దిగాక వదలనే వదలడు. అతడితో పోటీపడాలంటే కష్టం.. అంటూ తెగ పొగిడేసింది. అంతేనా ఈ పాటలో మాస్‌ రాజా స్టెప్పులు చూసి వీరాభిమాని అయిపోయానని చెబుతోంది. ఈ ఐటెమ్‌ లో మూడు వేరియేషన్స్‌ లో కనిపిస్తానని చెప్పింది.

హీరోయిన్‌ కాస్తా ఐటెమ్‌ గానే మిగిలిపోయిందే? అన్న ప్రశ్న వేస్తే.. స్టార్‌ హీరోల సినిమాల్లో భాగస్వామిని అవుతున్నా. ఇలా బాగానే ఉంది. నేను ఎవరిపైనా కంప్లయింట్‌ చేయను.. అంటూ తప్పించుకోజూసింది. మిర్చి, అత్తారింటికి దారేది, భాయ్‌, లౌక్యం సినిమాల్లో వరుసగా ఐటెమ్‌ పాటల్లో నర్తించి ఆకట్టుకున్న హంస 'బెంగాళ్‌ టైగర్‌'లో వెరీ స్పెషల్‌ ఐటెమ్‌ లో నర్తించానంటూ మురిసిపోతోంది.