అతని హార్ట్ పై హన్సికను చూశారా?

ఇండియన్ మైఖేల్ జాక్సన్ గా ఎంతో గుర్తింపు తెచ్చుకున్న ప్రభుదేవా ఎలాంటి కళాకారుడో ప్రత్యేకంగా చెప్పనక్కర్లేదు. ఇప్పటికీ ఆయన స్పూర్తితో ఎంతో మంది డ్యాన్సర్లు సినిమా పరిశ్రమలోకి అడుగుపెట్టి సత్తాని చాటుతున్నారు. ప్రభుదేవా హీరోగాను దర్శకుడిగాను తనకంటూ ఒక స్పెషల్ ఇమేజ్ ని రాబట్టుకున్నారు. చిన్నా పెద్ద తేడా లేకుండా అందరి హీరోల దగ్గర పనిచేశారు. అయితే ఆయన కెరీర్ లో వివాదాలు కూడా కొన్ని మచ్చలుగా మిగిలిపోయాయి.

ముఖ్యంగా నయనతారతో ప్రేమ వ్యవహారం అప్పట్లో ఓ సంచలనం సృష్టించింది. ఆ తర్వాత ఆమె నుంచి విడిపోయిన సంగతి తెలిసిందే. ఇకపోతే హన్సికతో కూడా ప్రేమ వ్యవహారం నడిపినట్టు అనేక రూమర్స్ వచ్చినా తొందరగానే వాటికీ కౌంటర్ ఇచ్చారు. కానీ రీసెంట్ గా హన్సిక పోస్ట్ చేసిన ఒక ఫొటోని చూసి నెటిజన్స్ ఓ రకమైన రూమర్స్ ని క్రియేట్ చేస్తున్నట్లు అనిపిస్తోంది. ఎందుకంటే ఫొటోలో హన్సిక ప్రభుదేవా గుండెపై ఉన్న తన ఆకృతిలో ఉన్న టాటూని చూపిస్తోంది.

దీంతో సోషల్ మీడియాలో ఎవరికీ వారు వారి స్టైల్ లో నిజమే కదా అని కామెంట్స్ చేస్తున్నారు. అలాంటి కామెంట్స్ సినిమా తారలకు మామూలే అని చెప్పవచ్చు. ఇక ఫొటో విషయానికి వస్తే.. వారిద్దరూ 'గులేబగవాళి' అనే తమిళ సినిమాలో నటిస్తున్నారు. రీసెంట్ గా ఓ సాంగ్ ని చిత్రీకరించారు. అయితే ఆ డ్యాన్స్ లోని ఒక మూమెంట్ ని హన్సిక ఇలా ప్రేక్షకులతో పంచుకుంది. ఇది సంగతి.