అరే.. హ‌న్సిక పెళ్లికూతురిలా సిగ్గుల మొగ్గాయెను

త‌మిళ హీరో శింబుతో పీక‌ల్లోతు ప్రేమ‌లో మునిగిపోయి వార్త‌ల్లో నిలిచింది హ‌న్సిక‌. కొన్నాళ్ల పాటు త‌మిళ ఇండ‌స్ట్రీలో హాట్ టాపిక్ ‌గా సాగిన వీరి ప్రేమాయ‌ణం ఇద్ద‌రి మ‌ధ్య ఏర్ప‌డిన మ‌న‌స్ప‌ర్థ‌ల కార‌ణంగా ముగిసింది. ఆ త‌రువాత సినిమాల‌పై దృష్టిపెట్టిన హ‌న్సిక క్ర‌మ క్ర‌మంగా త‌న ప్రాభ‌వాన్ని కోల్పోతూ వ‌స్తోంది. క్రేజీ ఆఫ‌ర్లు అంటూ హ‌న్సిక చేతిలో ఏమీ లేవు.

చాలా రోజుల త‌రువాత `తెనాలి రామ‌కృష్ణ బిఏ బిఎల్‌` ద్వారా తెలుగు ప్రేక్ష‌కుల ముందుకొచ్చింది. ఫ‌ర‌వాలేద‌నిపించినా ఈ మూవీ త‌రువాత మాత్రం తెలుగులో మ‌రో అవ‌కాశాన్ని పొంద‌లేక‌పోతోంది. లాక్ ‌డౌన్ నేప‌థ్యంలో హీరోలు. ..., హీరోయిన్ ‌లు వ‌రుసగా పెళ్లికి సిద్ధ‌మ‌వుతుండ‌టంతో హ‌న్సిక కూడా త్వ‌ర‌లో పెళ్లికి రెడీ అవుతున్న‌‌ట్టుగా కోలీవుడ్ ‌లో వార్త‌లు వినిపిస్తున్నాయ‌.

ఈ నేప‌థ్యంలో హ‌న్సిక ఇన్‌ స్టాలో షేర్ చేసిన ఓ వీడియో నెట్టింట సంద‌డి చేస్తోంది. లైట్ క‌ల‌ర్ లెహంగాలో హ‌న్సిక పెళ్లికూతురులా సిగ్గుల మొగ్గ‌వుతూ గింగిరాలు తిరుగుతున్న వీడియో ఆక‌ట్టుకుంటోంది. ఈ వీడియోలో హ‌న్సిక పెళ్లి కూతురులా ఫీల‌వుతూ సిగ్గుప‌డుతూ స‌ర్‌ ప్రైజ్ చేస్తోంది.