ఆపిల్ బ్యూటీ.. మజా ఆ గయా.. అంటూ క‌వ్విస్తుంద‌ట‌!

ఆపిల్ బ్యూటీ హ‌న్సిక ఇంట్ర‌డ‌క్ష‌న్ అవ‌స‌రం లేదు. ప్ర‌స్తుతం ఈ భామ కోలీవుడ్ లో వ‌రుస‌గా క‌థ‌లు విని 2021 సీజ‌న్ ని బ్లాక్ చేసే ప‌నిలో ఉందిట‌. తెలుగులోనూ ఓ సినిమాకి క‌మిటైంద‌న్న టాక్ ఇటీవ‌ల వినిపించింది. ఇత‌ర‌ కెరీర్ మ్యాట‌ర్ కి వ‌స్తే.. ప్ర‌స్తుతం మహా అనే థ్రిల్లర్ లో న‌టిస్తోంది. ఇది హ‌న్సిక కెరీర్ 50వ చిత్రం త్వ‌ర‌లోనే రిలీజ్ కానుంది.

యు.ఆర్.జమీల్ ఈ చిత్రానికి దర్శకత్వం వహించారు. ఎట్సెటెరా ఎంటర్ ఐట‌న్మెంట్ మహా ప్రొడక్షన్ బ్యానర్లో మాథి అజగన్ నిర్మించారు. ఈ చిత్రంలో హన్సిక మోత్వానీ మాజీ ల‌వ‌ర్ కోలీవుడ్ స్టార్ సింబు ఓ ముఖ్యమైన పాత్రను పోషిస్తున్నారు. 2019 లో కొన్ని సన్నివేశాల కోసం ఈ జంట క‌లిసి న‌టించాక మ‌హ‌మ్మారీ వ‌ల్ల వాయిదా ప‌డింది. ప్ర‌స్తుతం పెండింగ్ చిత్రీక‌ర‌ణ పూర్తి చేయ‌నున్నారు.ప‌నిలో ప‌నిగా హ‌న్సిక పాప్ ఆల్బ‌మ్ లో న‌టించే ప‌నిలో ఉందిట‌. మ‌జా ఆగ‌యా!అంటూ తొంద‌ర్ల‌నే త‌న అభిమానుల్ని అల‌రించేందుకు రెడీ అవుతోంది ఆపిల్ బ్యూటీ హ‌న్సిక‌.

``గైరోన్ కి బాహోన్ మెయిన్ దేకా హై సోకే సాచ్ బటాయీన్ బడా # మజా ఆ గయా ... నేను క్షమించను`` అంటూ గురుచౌదరి ఈ సింగిల్ ని ఆల‌పించారు. రేపు ఉదయం 11 గంటలకు సారెగామా మ్యూజిక్ యూట్యూబ్ ఛానెల్ లో దీని గురించి రివీల్ చేయ‌నున్నార‌ట‌. అంటే ఇక‌పై బాలీవుడ్ లో ఈ త‌ర‌హా మ్యూజిక్ ఆల్బ‌మ్స్ తో దూసుకెళ్లి అక్క‌డా మ‌రోసారి స్ట్రైక్ అయ్యే ప్ర‌య‌త్నాల్లో ఉంద‌న్న‌మాట‌.