బ‌న్ని బ్రంచ్ లో దేశ‌ముదురు గాళ్‌

బ‌న్ని - స్నేహారెడ్డి జంట ముంబైలో బ్రంచ్ పార్టీకి వెళ్లిన సంగ‌తి తెలిసిందే. అక‌స్మాత్తుగా ఉన్న‌ట్టుండి ఇలా బ్రంచ్ కి వెళ్ల‌డంపై టాలీవుడ్ లో ఆస‌క్తిక‌ర చ‌ర్చ సాగింది. త్రివిక్ర‌మ్ ద‌ర్శ‌క‌త్వంలో కెరీర్ 19వ సినిమాలో న‌టిస్తున్న బ‌న్ని చిన్న‌పాటి గ్యాప్ లో అలా ముంబై లో ప్ర‌త్య‌క్ష‌మ‌వ్వ‌డం ఆస‌క్తిని రేకెత్తించింది. అస‌లే చిట‌ప‌ట చినుకుల‌తో ముంబై త‌డిసి ముద్ద‌వుతున్న వేళ బ‌న్ని అక్క‌డ అడుగు పెట్టారు. అంతేకాదు.. త‌న‌తో పాటు న‌టించిన ప‌లువురు ముంబై భామ‌ల్ని బ్రంచ్ పార్టీకి ఆహ్వానించారు బ‌న్ని.

అయితే తొలుత ఈ పార్టీకి మిల్కీ వైట్ బ్యూటీ త‌మ‌న్నా అదిరిపోయే లుక్ లో అటెండ‌వ్వ‌డంతో ఆ పోటోలు అంత‌ర్జాలంలో వైర‌ల్ అయ్యాయి. స్ట‌న్నింగ్ ఫ్రేమ్డ్ క‌ళ్ల‌ద్దాలు పెట్టుకుని మిల్కీ స్టైలిష్ గా బ్రంచ్ కి అటెండ‌వ్వ‌డం యువత‌రంలో చ‌ర్చ‌కు తావిచ్చింది. అల్ట్రా మోడ్ర‌న్ మిల్కీ బ్యూటీ అంటూ అంతా పొగిడేశారు. ఇక ఇదే బ్రంచ్ పార్టీకి మ‌రో స‌ర్ ప్రైజ్ గెస్ట్ విచ్చేశార‌ని తాజాగా రివీలైన ఫోటోలు చెబుతున్నాయి.

బ‌న్ని బ్రంచ్ పార్టీకి `దేశ‌ముదురు` గాళ్ హ‌న్సిక ఎటెండ‌య్యింది. హ‌నీ పూర్తిగా రెడ్ హాట్ డిజైన‌ర్ డ్రెస్ లో దేవ‌తా సుంద‌రిలా ముస్తాబై పార్టీకి ఎటెండ‌య్యింది. ఇక‌పోతే ఈ బ్రంచ్ కి ఇంకా ఎవ‌రైనా ఇత‌ర‌త్రా క‌థానాయిక‌ల్ని బ‌న్ని ఆహ్వానించారా? అన్న‌ది తెలియాల్సి ఉంది. ఇప్ప‌టికి కేవ‌లం మిల్కీ బ్యూటీ త‌మ‌న్నా.. హ‌న్సిక ఫోటోలు మాత్ర‌మే రివీల‌య్యాయి. త‌మ‌న్నా బ‌న్ని స‌ర‌స‌న బ‌ద్రీనాథ్ చిత్రంలో నటించ‌గా.. హ‌న్సిక దేశ‌ముదురు చిత్రంలో న‌టించిన సంగ‌తి తెలిసిందే.