ఆ యవ్వన రహస్యం ఏంటి అని అడిగా

తమిళ్‌ లో బొద్దుగుమ్మ హన్సిక హవా సాగుతోంది. ఖుష్బూ తర్వాత అంతటి లాంగ్‌ ఇన్నింగ్స్‌ ని కొనసాగిస్తున్న ఏకైక తార హనీయే అంటే తప్పేమీ లేదు. ఇప్పటికిప్పుడు నాలుగు సినిమాలు క్యూలో ఉన్నాయి. రెగ్యులర్‌ గా కథలు వింటూనే ఉంది. లేటెస్టుగా విజయ్‌ సరసన నటించిన పులి రిలీజ్‌ కి రెడీ అవుతోంది. ప్రమోషన్‌ కార్యక్రమంలో హనీని ఓ పాత్రికేయ తంబీ అడిగిన ప్రశ్నకు చెంప చెల్లుమనే సమాధానమిచ్చింది.

'సీనియర్‌ నటుడు విజయ్‌'తో నటించారు కదా! అన్న ప్రశ్నకు.. విజయ్‌ సీనియర్‌ నటుడా? అదెప్పుడు? అంటూ ఎదురు ప్రశ్నించింది. ఆయన సీనియర్‌ లా అనిపించడు. ఎప్పటికీ మనసు దోచే యంగ్‌ బోయ్‌. అసలు ఆ యవ్వన రహస్యం ఏమిటి? అని చాలాసార్లు ప్రశ్నించా. ఇప్పటికీ విజయ్‌ నుంచి సమాధానం లేదు అంటూ నవ్వేసింది ఆ తర్వాత.

వామ్మో హనీకి కూడా ఛమత్కరించడం తెలిసిపోయింది. హీరోలపైనే ఇలా రివర్స్‌ కోటింగ్‌ వేేసేస్తోంది. ఇప్పటికే విజయ్‌ కి జోడీగా రెండు సినిమాల్లో నటించేసింది. వేళాయుధం తర్వాత పులిలో అతడితో నటించింది ఇప్పటికి. విజయ్‌ సరసన హ్యాట్రిక్‌ కొట్టేయడానికే ఇలా పొగిడేస్తోందనుకోవచ్చు. హన్సిక నటించిన ఆరణ్మయి 2 ఆన్‌ సెట్స్‌ ఉంది. పులి త్వరలోనే రిలీజ్‌ కి రెడీ అవుతోంది.