పాలరాతి శిల్పం మళ్లీ వస్తోందట

తొలి సినిమాతోనే తెలుగు ప్రేక్షకులపై బలమైన ముద్ర వేసిన కథానాయికల్లో హన్సిక ఒకరు. ‘దేశముదురు’ లాంటి బ్లాక్ బస్టర్‌తో తెలుగులోకి ఎంట్రీ ఇచ్చిందామె. ఆ తర్వాత కూడా ఇక్కడ మంచి మంచి సినిమాలు పడ్డాయి. కానీ మధ్యలో కోలీవుడ్ మీద దృష్టి పెట్టి.. ఆ ఇండస్ట్రీకే ఎక్కువ ప్రయారిటీ ఇచ్చింది. మధ్య మధ్యలో తెలుగులో కొన్ని సినిమాలు చేసింది కానీ.. బేస్ మాత్రం కోలీవుడ్డే. చివరగా ‘గౌతమ్ నంద’ సినిమాతో పలకరించిన హన్సిక.. ఆ సినిమా ఫ్లాప్ కావడంతో మళ్లీ ఇటు చూడలేదు. చాలా గ్యాప్ తర్వాత ఈ పాలరాతి అందానికి తెలుగులో మళ్లీ ఇంకో అవకాశం దక్కినట్లు సమాచారం. ఇంతకు విష్ణు-హన్సిక కాంబినేషన్లో ‘దేనికైనా రెడీ’ సినిమా తీసిన జి.నాగేశ్వరరెడ్డి ఆమెకు అవకాశం ఇస్తున్నాడట.

యువ కథానాయకుడు సందీప్ కిషన్ హీరోగా నాగేశ్వరరెడ్డి ఓ సినిమా తీయడానికి సన్నాహాలు చేస్తున్నాడు. అతడి సరసన హన్సికను కథానాయికగా ఎంపిక చేశారట. ఇంతకుముందు వరుస హిట్లతో మాంచి ఊపు మీద కనిపించిన నాగేశ్వరరెడ్డి.. ఇప్పుడు ఫ్లాపుల్లో ఉన్నాడు. అతడితో పాటు సందీప్ కిషన్ కు కూడా హిట్ చాలా అవసరం. హన్సిక పరిస్థితి కూడా వీరికి భిన్నమేమీ కాదు. ఈ ముగ్గురూ కలిసి తెలుగులో ఒకేసారి హిట్టు కొడతారేమో చూడాలి. ఈ చిత్రానికి నిర్మాత ఎవరన్నది ఇంకా కన్ఫమ్ కాలేదు ప్రస్తుతం హన్సికకు కోలీవుడ్లో కూడా కెరీర్ ఏమంత గొప్పగా లేదు. అక్కడ రెండు చిన్న స్థాయి సినిమాలు చేస్తోందామె. ఐతే అవకాశాలు తగ్గిపోతున్న నేపథ్యంలో ఫిజిక్ మీద దృష్టిపెట్టిన హన్సిక.. ఈ మధ్య బరువు తగ్గి మునుపటిలా సెక్సీగా తయారైంది.