మూడోసారి విష్ణుతో రొమాన్స్ చేస్తోంది

వరుసపెట్టి కాస్త కామెడీ అంట్ ఎంటర్టయినింగ్ సినిమాలు చేస్తూ వస్తున్న మంచు విష్ణు.. ఇప్పుడు రూటు మార్చి హారర్ కామెడీ మీద కన్నేసినట్లు తెలుస్తోంది. అందుకే ఈసారి గీతాంజలి ఫేం రాజ్ కిరణ్‌ డైరక్షన్లో ''లక్కున్నోడు'' అంటూ ఒక సినిమాను చేస్తున్నాడు. అయితే ఈ సినిమాలో హీరోయిన్ ఎవరో తెలుసా??

ఇప్పుడు మంచు విష్ణుతో రెండుసార్లు రొమాన్స్ చేసి.. మంచు ఫ్యామిలీకి దగ్గరైన హీరోయిన్ హన్సిక. ఇప్పటికే దేనికైనారెడీ - పాండవులు పాండవులు తుమ్మెద వంటి సినిమాల్లో మనోడితో రొమాన్స్ చేసింది. ఇక ముచ్చటగా మూడోసారి ఈ పెయిర్ రొమాన్స్ చేయనున్నారని తెలుస్తోంది. ఈ మధ్య ఎక్కువగా తమిళ సినిమాలు చేసిన హన్సిక ఇప్పుడు తెలుగుపై ఫోకస్ పెట్టింది. అందుకే గోపిచంద్ హీరోగా రూపొందుతున్న సంపత్ నంది సినిమా సైన్ చేశాక.. ఇప్పుడు తెలుగులో విష్ణు సరసన లక్కునోడు కూడా సైన్ చేసిందట.

ఈ మధ్య కాలంలో తెలుగులో హీరోయిన్ల కొరత చాలానే ఉంది. ఉన్న కొద్దిమంది హీరోయిన్లూ.. పెద్ద పెద్ద స్టార్లతో సినిమాలు చేస్తూ పెద్ద హీరోయిన్లు అయిపోవాలని చూస్తున్నారు కాబట్టి.. మిగతా హీరోలందరూ ఇలా కాస్త ఫేం ఉండీ బ్రేక్ రాని హీరోయిన్లను ఎంకరేజ్ చేస్తున్నారు. ఈ దెబ్బతో తెలుగులో హన్సిక బిజీ హీరోయిన్ అవుతుందేమో చూడాలి.