క్రికెట‌ర్ స‌ర‌స‌న ఫేడ‌వుట్ బ్యూటీ

దేశ‌ముదురు బ్యూటీ హ‌న్సిక మోత్వానీ ఇటీవ‌ల కెరీర్ రేసులో వెన‌క‌బ‌డిన సంగ‌తి తెలిసిందే. టాలీవుడ్ లో స్టార్ హీరోయిన్ అవ్వాల్సిన ఈ బ్యూటీ కొన్ని త‌ప్పులు చేసి ఆ స్టాట‌స్ కి దూర‌మైపోయింది. అయితే త‌మిళంలో మాత్రం అడ‌పాద‌డ‌పా స్టార్ల స‌ర‌స‌న నటించి అలా అలా కెరీర్ బండిని నెట్టుకొచ్చేస్తోంది.

తాజా స‌మాచారం ప్ర‌కారం.. ఈ అమ్మ‌డు వివాదాస్ప‌ద‌ క్రికెట‌ర్ ఎస్. శ్రీ‌శాంత్ స‌ర‌స‌న క‌థానాయిక‌గా న‌టించ‌నుంద‌ని తెలుస్తోంది. హ‌రి శంక‌ర్- హ‌రీష్ నారాయ‌ణ్ ద్వ‌యం ఈ చిత్రానికి ద‌ర్శ‌క‌త్వం వ‌హిస్తుండ‌గా.. రంగ‌నాథ‌న్ ఈ చిత్రాన్ని నిర్మిస్తున్నారు. తొలి స్టీరియోస్కోపిక్ 3డి హార‌ర్ మూవీ `అంబులి` చిత్రాన్ని తెర‌కెక్కించిన ఈ బృందం హ‌న్సిక‌- శ్రీ‌శాంత్ జోడీతో మ‌రో హార‌ర్ కామెడీ చిత్రాన్ని ప్లాన్ చేస్తుండ‌డం ఆస‌క్తిని రేకెత్తిస్తోంది.

ద‌ర్శ‌క‌నిర్మాత‌లు ఇటీవ‌లే శ్రీ‌శాంత్ తో స్క్రిప్టును డిస్క‌స్ చేశారు. చెన్న‌య్ నేప‌థ్యంలో ఈ సినిమా తెర‌కెక్క‌నుంది. డిసెంబ‌ర్ లో ప్రారంభించేందుకు ఏర్పాట్లు సాగుతున్నాయి. ఇక హ‌న్షిక ప్ర‌స్తుతం సందీప్ కిష‌న్ స‌ర‌స‌న తెనాలి రామ‌కృష్ణ బీఏబీఎల్ చిత్రంలో న‌టిస్తోంది. అలాగే పిల్ల జ‌మీందార్ ఫేం అశోక్ తెర‌కెక్కించ‌నున్న తెలుగు వెబ్ సిరీస్ `కిట్టీ`లోనూ కీల‌క పాత్ర పోషించ‌నుంది. ముంబైలో ఈ వెబ్ సిరీస్ షూటింగ్ జ‌ర‌గ‌నుంద‌ని తెలుస్తోంది. శ్రీ‌శాంత్ ఇంత‌కుముందు `అక్ష‌ర్ 2 `అనే హిందీ చిత్రంలో.. టీమ్ 5 అనే మ‌ల‌యాళ చిత్రంలో న‌టించారు. త‌దుప‌రి ఏకంగా దేశ‌ముదురు బ్యూటీతో క‌లిసి న‌టించేస్తుండ‌డం ఆస‌క్తిని రేకెత్తిస్తోంది.
--