నాని డైరెక్టర్.. పెళ్లి ముహూర్తం ఫిక్స్

టాలీవుడ్ లో ఇప్పుడు దర్శకుల పెళ్లిళ్ల సీజన్ నడుస్తోంది. రీసెంట్ ట్యాలెంటెడ్ డైరెక్టర్ క్రిష్.. పెళ్లి చేసుకోగా.. ఇప్పుడు మరో దర్శకుడు కూడా పెళ్లి చేసేసుకోబోతున్నాడు. అందాల రాక్షసితో దర్శకుడిగా మారిన హను రాఘవపూడి.. ఆ తర్వాత నానితో కృష్ణగాడి వీర ప్రేమగాధ అంటూ మరో సక్సస్ కూడా సాధించాడు. దీంతో ఇప్పుడీ డైరెక్టర్ కొన్ని పెళ్లి బాజాలకు రెడీ అయిపోయాడు.

గత మే నెలలోనే హను రాఘవపూడి.. అమూల్యను ఎంగేజ్మెంట్ చేసుకోనున్నాడు. ఆగస్ట్ 26న వీరి పెళ్లి హైద్రాబాద్ లోనే జరగనుంది. వరుసగా లవ్ స్టోరీలు తీస్తూ హను మెప్పిస్తున్నా.. ఇది ఎరేంజ్డ్ మ్యారేజ్ కావడం విశేషం. ఓ ప్రైవేటు మెడికల్ ఆర్గనైజేషన్ లో ఈమె వైద్యవృత్తిలో ఉంది. నిజానికి వీరి పెళ్లి ఏప్రిల్ లోనే జరగాల్సి ఉండగా.. పలు కారణాలతో వాయిదా వేసి చివరకు ఈ నెల 26న ఈ జంట ఒకటి కాబోతున్నారు.

హను రాఘవపూడి దర్శకత్వంలో అఖిల్ హీరోగా ఓ మూవీ స్టార్ట్ కావాల్సి ఉన్నా.. అది రద్దయింది. ఇప్పుడదే చిత్రాన్ని నితిన్ తో చేసేందుకు హను రాఘవపూడి సిద్ధమయ్యాడు. ప్రతీ ఫ్రేమ్ నీ కాన్వాస్ గా తీర్చి దిద్దే ఈ డైరెక్టర్ ట్యాలెంట్ పై.. టాలీవుడ్ ఆడియన్స్ లో కూడా మంచి అంచనాలే ఉన్నాయ్ లెండి.