హ‌ను ద‌ర్శ‌క‌త్వంలో మ‌హానుభావుడు?

లై సినిమాతో హ్యాట్రిక్ హిట్ కొడ‌దామ‌ని భావించిన హ‌ను రాఘ‌వ‌పూడి ఆశ‌లు నెర‌వేర‌లేదు. అందాల రాక్ష‌సి, కృష్ణగాడి వీర ప్రేమ గాథ వంటి విల‌క్ష‌ణ చిత్రాల‌తో హ‌నుపై ప్రేక్ష‌కుల‌కు మంచి అంచ‌నాలున్నాయి. హ‌ను తొలి రెండు సినిమాలు నిర్మాతలకు లాభాలను తీసుకొచ్చాయి. దీంతో, అత‌డిని న‌మ్మి నిర్మాత‌లు భారీ బ‌డ్జెట్ తో `లై` చిత్రాన్ని తెర‌కెక్కించారు. ఆ సినిమా ఆశించిన స్థాయిలో విజ‌యం సాధించ‌క‌పోవ‌డంతో నిర్మాత‌ల‌తోపాటు హ‌ను కూడా బాగా డిజ‌ప్పాయింట్ అయ్యాడ‌ట‌. లై తర్వాత హ‌నుతో సినిమా చేయాల్సిన అఖిల్ పునరాలోచనలో పడ్డాడ‌ని టాక్‌. హ‌ను-నానిల కాంబోలో రాబోయే సినిమా సెట్స్ పైకి ఎప్పుడు వెళ్తుందో...చెప్పలేని పరిస్థితి.

ఈ నేప‌థ్యంలో శ‌ర్వానంద్ తో ఓ చిత్రాన్ని తెర‌కెక్కించేందుకు హ‌ను ప్లాన్ చేస్తున్నాడ‌ట‌. మ‌హానుభావుడు సినిమాతో హిట్ కొట్టిన శర్వానంద్ ప్ర‌స్తుతం ఖాళీగా ఉన్నాడు. సుధీర్ వర్మ ద‌ర్శ‌క‌త్వంలో శ‌ర్వానంద్ న‌టించ‌బోతున్న సినిమా త్వ‌ర‌లో సెట్స్ పైకి వెళ్లనుంది. ఆ తర్వాత బాహుబలి నిర్మాతలతో చేయ‌వ‌ల‌సిన సినిమా క్యాన్సిల్ అయింది. దీంతో, ఆ డేట్స్ ను హనుకి ఇచ్చినట్లు సమాచారం. హ‌ను...విల‌క్ష‌ణ క‌థాంశాల‌ను ఎంచుకుంటాడ‌నే ఉద్దేశంతో శర్వా ఆ సినిమాకు గ్రీన్ సిగ్న‌ల్ ఇచ్చాడ‌ట‌. అయితే, సుధీర్ సినిమా పూర్తయిన తర్వాత హను సినిమా ప్రారంభ‌మ‌వుతుందా? లేక రెండు సినిమాల‌ను ఒకే సారి పూర్తి చేస్తాడా అన్న సంగ‌తి తెలియాల్సి ఉంది.