పుష్ప ను చూసిన స్టార్‌ క్రికెటర్‌ ఏమన్నాడంటే..!

అల్లు అర్జున్‌ హీరోగా సుకుమార్‌ దర్శకత్వంలో రూపొందిన పుష్ప సినిమా ను తెలుగు మరియు సౌత్‌ భాషల్లోనే కాకుండా హిందీ లో కూడా జనాలు తెగ ఆధరిస్తున్నారు. పలువురు ప్రముఖులు పుష్ప సినిమాను చూసి అల్లు అర్జున్ నటన మరియు దర్శకుడి పని తీరు గురించి ప్రశంసిస్తున్నారు. ఈ ప్రశంసలు అనేవి ఉత్తరాది నుండి కూడా పెద్ద ఎత్తున వస్తున్నాయి. ఉత్తరాదిన పెద్ద ఎత్తున పుష్ప సినిమాను విడుదల చేయడం జరిగింది. బన్నీ మొదటి పాన్ ఇండియా మూవీగా విడుదల అయిన ఈ సినిమా భారీ వసూళ్లను దక్కించుకుంది. దాదాపుగా నార్త్‌ లో 50 కోట్ల వసూళ్లను రాబట్టినట్లుగా మైత్రి మూవీ మేకర్స్‌ చెబుతున్నారు. తాజాగా టీమ్‌ ఇండియా స్టార్‌ క్రికెటర్ హనుమ విహారి సినిమా ను చూశాడు.

సినిమా చూస్తున్న సమయంలోనే సెన్సార్ కాపీని షేర్ చేసి.. ఏం సినిమా చూస్తున్నానో గెస్‌ చేయండి అంటూ పోస్ట్‌ పెట్టాడు. ఆ తర్వాత సినిమా గురించి తన వ్యూన్‌ పెట్టాడు. సినిమా చాలా బాగుందంటూ ప్రశంసించడంతో పాటు అల్లు అర్జున్‌ పుష్ప రాజ్ గా మారిన తీరును కూడా హనుమ విహారి ప్రశంసించాడు. హనుమ విహారి తన అభిప్రాయంను షేర్‌ చేయడంతో సినిమా గురించి మరోసారి జాతీయ స్థాయిలో చర్చ జరుగుతోంది. సినిమా కు జాతీయ స్థాయి సెలబ్రెటీల నుండి ప్రశంసలు దక్కుతున్న నేపథ్యంలో వసూళ్లు మరింతగా పెరిగే అవకాశాలు ఉన్నాయంటున్నారు.

హనుమ విహారి ట్వీట్‌ కు అల్లు అర్జున్ స్పందించాడు. థ్యాంక్యూ సో మచ్‌.. మీరు నా నటన ను మెచ్చుకున్నందుకు గర్వంగా ఉంది. మీకు పుష్ప నచ్చినందుకు చాలా సంతోషంగా ఉందంటూ ట్వీట్‌ చేయడం జరిగింది. అల్లు అర్జున్‌ తో పాటు రష్మిక మందన్నా ను కూడా హనుమ విహారి ట్యాగ్‌ చేసి ఆమెను ప్రశంసించాడు. మొత్తానికి సినిమా విడుదల అయ్యి వారాలు గడుస్తున్నా కూడా జనాల నోట్లో ఇంకా అలాగే ఉంటుంది. సినిమా కు వస్తున్న టాక్ నేపథ్యంలో వసూళ్లు మరింతగా పెరిగే అవకాశాలు ఉన్నాయంటున్నారు. ఈ ఏడాది 200 కోట్ల వసూళ్లను క్రాస్ చేసిన అతి కొన్ని సినిమాల్లో పుష్ప కూడా నిలిచింది. ఇక బాలీవుడ్‌ లో ఇప్పటికే కేజీఎఫ్‌ రికార్డును పుష్ప బ్రేక్‌ చేసినట్లుగా ట్రేడ్‌ వర్గాల టాక్‌.