T20 కొత్త‌ లీగ్ పై కింగ్ ఖాన్ భారీ పెట్టుబ‌డులు!

కింగ్ ఖాన్ షారూఖ్ ఓ వైపు సినిమా ఫ్యాష‌న్ ని విడువ‌కుండానే మ‌రోవైపు క్రీడా ప్ర‌పంచ‌పు క‌రెన్సీ పైనా మోజును అంత‌కంత‌కు పెంచుకుంటూనే ఉన్నాడు. క్రికెట్ అంటే ఖాన్ కి విప‌రీత‌మైన ఆస‌క్తి.. ఇష్టం.. అందుకు త‌గ్గ‌ట్టే అతడి బిజినెస్ డీల్స్ వేడెక్కిస్తున్నాయి. తాజాగా కింగ్ ఖాన్ మరో ఆస‌క్తిక‌ర టోర్నీకి తెర తీసాడు.

DP వరల్డ్ ఇంటర్నేషనల్ లీగ్ T20 కోసం షారూఖ్ ఖాన్ తో ZEE జ‌త‌క‌ల‌వ‌డం ఆస‌క్తిని క‌లిగిస్తోంది. ఈ స‌రికొత్త‌ లీగ్ T20లో ZEE ఎంటర్ టైన్ మెంట్ ప్రవేశానికి సింబాలిక్ గా క్రికెట్ ఔత్సాహికుడు కింగ్ ఖాన్ షారుఖ్ తో ఒక ఫోటోని ఆవిష్కరించారు. ZEE ఎంటర్ టైన్ మెంట్ ఎంటర్ ప్రైజెస్ లిమిటెడ్ (ZEE) త‌దుప‌రి DP వరల్డ్ ఇంటర్నేషనల్ లీగ్ T20లో తన వ్యూహాత్మక పెట్టుబడిని మరింత బలోపేతం చేయాలని నిర్ణయించింది. దీని కోసం షారూఖ్ ఖాన్ తో ZEE జట్టుకట్టింది.

వినోదం - స్పోర్ట్స్ డొమైన్ క‌ల‌యిక ప్రేక్ష‌కుల‌కు ఉత్కంఠ‌ను పెంచుతోంది. ప్రపంచవ్యాప్తంగా పాపుల‌రైన వారి క‌ల‌యిక‌తో స్క్రీన్ ల‌పై క్రీడలను వీక్షించడానికి ప్రేక్షకులు చాలా ఉత్సాహం క‌న‌బ‌రుస్తున్నారు. వీక్షకుల సంఖ్యను అమాంతం పెంచడానికి ఆదాయం పెంచేందుకు ఇది స‌రైన ఊత‌మిస్తోంది. తాజా లీగ్ కు టీఆర్పీలు అందుకునేందుకు అవసరమైన సామర్థ్యం ఉందని టి20 నిర్వాహ‌కులు ప్ర‌క‌టించారు. తాజాగా రిలీజ్ చేసిన‌ ప్రచార చిత్రంలో DP వరల్డ్ ILT20తో ZEE తీసుకువచ్చే క్రికెట్ ఎగ్జ‌యిట్ చేస్తుందంటూ బాలీవుడ్ కింగ్ ఖాన్ నాటకీయ పోస్ట‌ర్ తో వెల్ల‌డించిన తీరు ఆక‌ట్టుకుంది.

ఇంత‌కీ ఈ లీగ్ ఎలా ఉండ‌బోతోంది? అంటే.. లీగ్ లో 6 ఫ్రాంచైజీ జట్లు ఆడ‌తాయి. అబుదాబి నైట్ రైడర్స్- దుబాయ్ క్యాపిటల్స్- డెసర్ట్ వైపర్స్- గల్ఫ్ జెయింట్స్- MI ఎమిరేట్స్- షార్జా వారియర్స్ పోటీబ‌రిలో నిలుస్తాయి. సునీల్ నరైన్- ఆండ్రీ రస్సెల్- జానీ బెయిర్ స్టో- రోవ్ మాన్ హాస్సార్ వాన్ వంటి అతిపెద్ద అంతర్జాతీయ T20I హీరోలు ... కోలిన్ మున్రో - అలెక్స్ హేల్స్- కీరన్ పొలార్డ్- డ్వేన్ బ్రేవో- ట్రెంట్ బౌల్ట్ - క్రిస్ లిన్ - జేమ్స్ విన్స్- మోయిన్ అలీ - డేవిడ్ మలన్ స‌హా ప‌లువురు టాప్ ఆట‌గాళ్ల‌తో పోటీ ఉద్విగ్నంగా సాగ‌నుంది.

మ‌రింత వివ‌రంలోకి వెళితే.. DP వరల్డ్ IL T20 ట్రోఫీ బ‌రిలో కొంద‌రు అత్యుత్తమ అంతర్జాతీయ క్రికెటర్ లతో పాటు ఇత‌ర‌ క్రికెట‌ర్ల‌తో ప్రత్యేక టీమ్ లను సిద్ధం చేయ‌డానికి ప్ర‌ణాళిక‌ను సిద్ధం చేస్తున్నారు. కుర్చీ అంచుపై కూచుని సిక్స్ లు ఫోర్లు వీక్షించేంత ఉత్కంఠ‌ను క‌లిగించేలా ఈ సిరీస్ ఉండ‌నుంద‌ని కూడా క‌థ‌నాలొస్తున్నాయి. DP వరల్డ్ ఇంటర్నేషనల్ లీగ్ T20 వ‌చ్చే ఏడాది జనవరి 13 నుండి ఫిబ్రవరి 12 వరకు UAEలో జరుగుతుంది.

190 పైగా దేశాలలో ZEE - ZEE5 నెట్ వ‌ర్క్ ల బలమైన కనెక్షన్ తో భారతదేశం స‌హా ప్రపంచవ్యాప్తంగా ఉన్న క్రికెట్ అభిమానులు ప్రీమియం క్రికెట్ కంటెంట్ ను వీక్షించేందుకు ఆస‌క్తిగానే ఉన్నారనేది ఒక అధ్య‌య‌నం. ZEE మార్కెటింగ్ నైపుణ్యం.. ECB దీర్ఘకాలిక నిబద్ధత IL T20ని స్పోర్ట్స్ డొమైన్ లో విభిన్నమైన లీగ్ గా ఆవిష్క‌రిస్తుంద‌ని ఒక అంచ‌నా.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.