భార్గవ్‌ రామ్‌ పై దర్శకుడి ఇంట్రెస్టింగ్‌ కామెంట్స్‌

నేడు హోళీ సందర్బంగా ఎన్టీఆర్‌ తన ఫ్యామిలీ ఫొటోను నెట్టింట షేర్‌ చేసిన విషయం తెల్సిందే. చాలా కాలం తర్వాత ఎన్టీఆర్‌ ను ఆయన కొడుకులు ఇద్దరు మరియు భార్యతో కలిసి చూడటంతో ఫ్యాన్స్‌ ఫిదా అవుతున్నారు. ఇది హోళీ పండుగకు మంచి గిఫ్ట్‌ అంటూ నందమూరి అభిమానులు ఆనందం వ్యక్తం చేస్తున్నారు. ఎన్టీఆన్‌ చిన్న కొడుకు భార్గవ్‌ రామ్‌ గురించి సోషల్‌ మీడియాలో పెద్ద ఎత్తున చర్చ జరుగుతోంది. ఇండియా వైడ్‌ గా భార్గవ్‌ రామ్‌ హ్యాష్‌ ట్యాగ్‌ ట్రెండ్‌ అయ్యింది.

ఎన్టీఆర్‌ పెద్దబ్బాయి అభయ్‌ రామ్‌ మరియు చిన్నబ్బాయి భార్గవ్‌ రామ్‌ లు ఒకే ఫ్రేమ్‌ లో కనిపించడం తో అంతా చాలా ఆసక్తిగా చూస్తున్నారు. ఎంతో మంది ఎన్నో రకాల కామెంట్స్‌ చేస్తున్నారు. ఇదే సమయంలో దర్శకుడు హరీష్‌ శంకర్‌ బుడ్డ బుడ్డోడి గురించి ఇంట్రెస్టింగ్‌ కామెంట్స్‌ చేశాడు. లిటిల్‌ టైగర్‌ ఆన్‌ ది వే అన్నట్లుగా భార్గవ్‌ రామ్‌ ను చూస్తుంటే ఉంది. వదిలేస్తే ఇప్పుడే దూకేసేలా ఉన్నాడు గా అంటూ నందమూరి అభిమానులు మరింత ఆనందించే కామెంట్స్‌ చేశాడు.

భార్గవ్‌ రామ్‌ ను చూస్తుంటే వెంటనే వెండి తెరపై చూడాలనిపిస్తుందని చాలా మంది నందమూరి అభిమానులు అభిప్రాయం వ్యక్తం చేశారు. అదే విషయాన్ని దర్శకుడు హరీష్‌ శంకర్‌ తనదైన శైలిలో వెళ్లడి చేశాడు. మొత్తానికి నందమూరి ఫ్యాన్స్‌ కు ఈ ఫొటో మరియు హరీశ్‌ శంకర్‌ ట్వీట్‌ తెగ నచ్చేసి ఉంటాయి. ఈ పండుగకు వారికి ఇదే పెద్ద గిఫ్ట్‌ గా చెప్పుకోవచ్చు.