ద‌ర్శ‌క‌హీరోల‌కు ఫోన్ కాల్ దూరంలోనే ఉంద‌ట‌

కోవిడ్ సెకండ్ వేవ్ విల‌యం తీవ్ర‌త‌ షూటింగుల్ని డిస్ట్ర‌బ్ చేసిన సంగ‌తి తెలిసిందే. ఈపాటికే ప‌వ‌న్ - క్రిష్ బృందం త‌మ హిస్టారిక‌ల్ వారియ‌ర్ సినిమా `హ‌రి హ‌ర వీర‌మ‌ల్లు` కొత్త షెడ్యూల్ చిత్రీక‌ర‌ణ‌కు వెళ్లాల్సింది. కానీ కోవిడ్ వ‌ల్ల ప‌దే ప‌దే ఊహించ‌ని డైల‌మా ఎదుర‌వుతోంది. ఇటీవ‌ల‌ ప‌వ‌న్ ఇక సెట్స్ కెళ్ల‌నున్నారు అన‌గానే అత‌డికి క‌రోనా పాజిటివ్ వ‌చ్చింది. ఆ త‌ర్వాత చికిత్స‌తో కోలుకున్న సంగ‌తి తెలిసిందే.

ఇక ప‌వ‌న్ కానీ.. క్రిష్ కానీ ఎప్పుడు కాల్ చేసినా తాను ఫోన్ కాల్ అవేలో ఉన్నాన‌ని ఇందులో కీల‌క పాత్ర పోషిస్తున్న బాలీవుడ్ నాయిక‌ జాక్విలిన్ ఫెర్నాండెజ్ ప్రామిస్ చేశార‌ట‌. ఇదే మూవీలో క‌థానాయికగా న‌టిస్తున్న నిధి అగ‌ర్వాల్ క్రిష్ బృందానికి అన్నివిధాలా స‌హ‌క‌రిస్తోంది. ఇక జాకీ ఇందులో యువ‌రాణి పాత్ర‌లో క‌నిపించ‌నున్నార‌ని తెలుస్తోంది. ఈ బ్యూటీ సాహో లో బ్యాడ్ గాళ్ సాంగ్ లో న‌ర్తించిన సంగ‌తి తెలిసిన‌దే.

ఇంత‌కీ క్రిష్ డైలమా క్లియ‌ర్ అయ్యేదెపుడు? అంటే దానికి స‌రైన ఆన్స‌ర్ లేదు. ప‌వ‌న్ ఇప్ప‌టికే కోవిడ్ నుంచి కోలుకుని షూటింగ్ లో పాల్గొనేందుకు సిద్ధంగా ఉన్నారు. జాకీ అందుబాటులోనే ఉంది. నిధి ఆల్వేస్ రెడీ. అయితే షూటింగ్ ఎప్ప‌టి నుంచి ప్రారంభించాల‌నుకుంటున్నారు? అన్న‌దానికి క్రిష్ క్లారిటీ ఇస్తారేమో చూడాలి. ప్ర‌స్తుతం సెకండ్ వేవ్ తీవ్రంగా ఉంది కాబ‌ట్టి సెట్స్ కెళ్లేందుకు ఇంకా కొంత స‌మ‌యం ప‌డుతుందని అంచ‌నా.

ఇక పాన్ ఇండియా కేట‌గిరీలో అత్యంత భారీ బ‌డ్జెట్ తో రూపొందుతున్న ఈ చిత్రానికి తొలి నుంచి ఏవో ఆటంకాలు త‌ప్ప‌డం లేదు. ప్లాన్ చేసిన విధంగా షెడ్యూళ్ల‌ను పూర్తి చేయ‌లేక‌పోతున్నారు క్రిష్. ప‌వ‌న్ రాజ‌కీయాలు.. మ‌ల్టిపుల్ ప్రాజెక్టులు.. కోవిడ్ విల‌యం.. వ‌గైరా షూటింగుకు ప‌దే ప‌దే బ్రేక్ ప‌డ‌డానికి కార‌ణ‌మ‌య్యాయి. అలాగే ప‌వ‌న్ ఇత‌ర సినిమాల షెడ్యూళ్ల‌ను బ్యాలెన్స్ చేయాల్సి వ‌స్తోంది. వ‌కీల్ సాబ్ రిలీజైంది. త‌దుప‌రి అయ్య‌ప్ప‌నుమ్ కోషియం రీమేక్ కి కాల్షీట్లు ఇచ్చేశారు. ఆ త‌ర్వాతా హ‌రీష్ శంక‌ర్ తో సినిమా ప‌ట్టాలెక్క‌నుంది. వీట‌న్నిటి షెడ్యూల్స్ న‌డుమా క్రిష్ మూవీ అంత‌కంత‌కు ఆల‌స్య‌మ‌వుతోంది.