హరిహర వీరమల్లు.. టార్గెట్ సెట్ చేసుకున్న క్రిష్

పవర్ స్టార్ పవన్ కళ్యాణ్ హరిహర వీరమల్లు సినిమాను సెట్స్ పైకి తెచ్చి చాలా కాలం అయింది. గత ఏడాది నుంచి ఈ సినిమా విడుదల తేదీపై ఊహించని మార్పులు జరుగుతున్నాయి. అసలు ఎప్పుడో రావాల్సిన ఈ సినిమా అనేక రకాల డేట్స్ ను వాయిదా వేసుకుంటూ వచ్చింది. ఒక విధంగా కరోనా వలన అతి పెద్ద గ్యాప్ వస్తే ఆ తర్వాత పవన్ కళ్యాణ్ రాజకీయాలు కారణంగా షూటింగ్లకు మరికొంత బ్రేక్ ఇవ్వాల్సి వచ్చింది.

ఈ విషయంలో నిర్మాత కూడా కొంత ఇబ్బందులు ఎదుర్కొన్నప్పటికీ కూడా పవన్ నుంచి అయితే అతనికి మద్దతు లభించింది. కానీ పవన్ కళ్యాణ్ ఎట్టి పరిస్థితుల్లోనూ ఈ సినిమాను ఫినిష్ చేయాలని అనుకుంటున్నాడు.

హరిహర వీరమల్లు సినిమా పాన్ ఇండియా రేంజ్ లో నిర్మిస్తున్నట్లు ముందుగానే క్లారిటీ ఇచ్చిన విషయం తెలిసిందే. ఇక దర్శకుడు క్రిష్ అయితే పవన్ కళ్యాణ్ లేకపోయినప్పటికీ అతనితో అవసరం లేనటువంటి కొన్ని సన్నివేశాలను అయితే ఎప్పటికప్పుడు పూర్తి చేస్తున్నాడు.

ఇక పవన్ కళ్యాణ్ ఈ సినిమా షూటింగ్ వీలైనంత త్వరగా పూర్తిచేయాలి అని ఈ వచ్చే ఎన్నికల వరకు మరొక సినిమా షూటింగ్ పెట్టుకోవద్దని డిసైడ్ అయ్యాడు. ఒకవైపు రాజకీయాల్లో పాల్గొంటూనే మరొకవైపు హరిహర వీరమల్లు సినిమా షూటింగ్ ఫినిష్ చేయాలని డిసైడ్ అయ్యారు.

ఇక దర్శకుడు క్రిష్ కూడా ఈసారి ప్రక్క ప్రణాళికతో పవన్ కళ్యాణ్ తో కొన్ని డేట్స్ ఫిక్స్ చేసుకుని షూటింగ్ ఫినిష్ చేయాలనుకుంటున్నాడు.

ఎట్టి పరిస్థితుల్లోనూ సినిమాను 2023 సమ్మర్లో విడుదల చేయాలి అని టార్గెట్ పెట్టుకున్నట్లుగా తెలుస్తోంది. 2023 మంచి సంక్రాంతిని మిస్ చేసుకోవాల్సి వచ్చింది. ఇక ఇప్పుడు వచ్చే సమ్మర్ ను ఏ మాత్రం మిస్ చేసుకోవద్దు అని పవన్ కళ్యాణ్ తో ఇదివరకే రెండుసార్లు చర్చలు జరిపారు. పవన్ కూడా మరొక సినిమా షూటింగ్ పెట్టుకొనని కేవలం ఈ సినిమా కోసమే పని చేస్తాను అని మాట ఇచ్చాడు. మరి అనుకున్నట్లుగా ఈ సినిమా వచ్చే ఏడాది సమ్మర్ కు వస్తుందో లేదో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.