నెట్టింట వీరమల్లు మేకింగ్ వీడియో హల్చల్..!

వకీల్ సాబ్' తర్వాత పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న సినిమా హరిహర వీరమల్లు. పవన్ కళ్యాణ్ కెరీర్ ఫస్ట్ టైం పీరియడిక్ స్టోరీతో ప్రేక్షకుల ముందుకు రాబోతున్నాడు. పవన్ కళ్యాణ్ టైటిల్ రోల్ పోషిస్తున్న ఈ సినిమా ప్రస్తుతం షూటింగ్ దశలో ఉంది. ఆల్రెడీ సినిమాకు సంబంధించి టైటిల్ తో పాటు మోషన్ వీడియో రిలీజ్ చేసి ట్రీట్ ఇచ్చాడు దర్శకుడు క్రిష్. అయితే ఇలాంటి పీరియడిక్ సినిమా గురించి కొత్తగా ఓ వార్త తెలిస్తేనే ఫ్యాన్స్ పండగ చేసుకుంటారు. అలాంటిది ఓ వీడియో లీక్ అయిందంటే.. రియాక్షన్ ఎలా ఉంటుందో ఊహించండి.

ప్రస్తుతం తెరకెక్కుతున్న బడా హీరోల సినిమాలకు లీక్స్ గొడవ ఎక్కువైపోతోంది. ఎందుకంటే ఇదివరకు ఫోటో లీక్ అయితే లైట్ తీసుకునే వారేమో.. కానీ ఇప్పుడు అలాంటి పరిస్థితి లేదు. ఆల్రెడీ థియేటర్స్ ఓపెన్ లేక నేటిజన్లు.. మీమ్స్ క్రియేట్ చేసేవాళ్ళు ఎప్పుడెప్పుడు ఏ సినిమా నుండి ఏమేమి ఇన్ఫో దొరుకుతుందా అని వెయిట్ చేస్తుంటారు. కానీ పవన్ కళ్యాణ్ సినిమా అంటే పెద్దగా రెస్పాండ్ అవ్వకపోవచ్చు. ఒకవేళ అయినా ప్రేక్షకులు పెద్దగా దృష్టిలో పెట్టుకొని బాధపడే అవసరం లేదు. ఎందుకంటే కొన్ని విధాలుగా లీక్స్ అనేవి కూడా సినిమా ప్రమోషన్స్ కి బాగా ఉపయోగం అవుతున్నాయనే టాక్ కూడా ఉంది.