మెగా అభిమానులకు హరీష్ కానుక

హరీష్ శంకర్.. కేవలం మూడు సినిమాలతో, అందులో ఒక్క సూపర్ హిట్టుతో టాప్ డైరెక్టర్ ల జాబితాలోకి వెళ్ళిపోయిన దర్శకుడు. ఆ తరువాత ఫ్లాప్ లు, యావరేజ్ లు చవిచూసినా ఇప్పుడు అల్లు అర్జున్ తో DJ సినిమాతీస్తూ బిజీగానే గడుపుతున్నాడు.

హరీష్ కి మెగా ఫామిలీకి మధ్య అనుబంధం గురించి ప్రత్యేకంగా చెప్పనవసరంలేదు. పవన్ కళ్యాణ్ గబ్బర్ సింగ్ తో బ్లాక్ బస్టర్ అందుకున్నాడు. సాయి ధరమ్ సుబ్రహ్మణ్యం ఫర్ సేల్ తో ఫ్లాప్ నుండి హిట్ కి బౌన్స్ అయ్యాడు. ఇప్పుడు బన్నీతో తిరిగి తన టాలెంట్ ఏంటో చూపించుకునే ప్రయత్నంలో వున్నాడు. ఈ క్రమంలో మరో మెగా హీరోతో మాటా మంతీ జరిపినట్టు తెలుస్తుంది.

అయితే ఇది తన తదుపరి ప్రాజెక్టుకోసం వేసిన సిట్టింగ్ కాదు. తన తోటి డైరెక్టర్ సురేందర్ రెడ్డి తెరకెక్కించిన ధృవ సినిమా విజయం తరువాత ప్రమోషన్లలో భాగంగా ఇస్తున్న ఇంటర్వ్యూని హరీష్ హోస్ట్ చేసాడు. చరణ్ - అరవింద్ స్వామి ఈ టాక్ లో పాల్గున్నట్టు సమాచారం. త్వరలో ఇది చానళ్ళలో ఎయిర్ అవ్వనుంది. హరీష్ ఇంటర్వ్యూ అంటే రెండు మూడు పంచ్ డైలాగులు వుండవంటారా??

Like Us on Facebook : https://www.facebook.com/Tupakidotcom/