రౌడీ బాయ్ గురించి గద్దలకొండ డైరెక్టర్

స్టైలిష్ స్టార్ అల్లు అర్జున్ డిజే తర్వాత గ్యాప్ తీసుకుని గద్దలకొండ గణేష్ చేసిన హరీష్ శంకర్ దానికి తగ్గ ఫలితాన్నే అందుకున్నట్టు వసూళ్లు చెబుతున్నాయి. ఏ రేంజ్ హిట్ అనేది ఈ వీకెండ్ గడిచాకే బయటపడుతుంది. అందుకే గ్రాఫ్ పడిపోకుండా యూనిట్ ప్రస్తుతం సక్సెస్ టూర్ లో బిజీగా ఉంది. ఇటీవలే హరీష్ శంకర్ ఓ మీడియా ఛానల్ కు ఇచ్చిన ఇంటర్వ్యూలో విజయ్ దేవరకొండ ప్రస్తావన తీసుకొచ్చాడు. అందులో ఆశ్చర్యకరమైన విషయాలు ఉండటం అసలు ట్విస్ట్.

అర్జున్ రెడ్డి తర్వాత ఓ కథ వినిపించేందుకు విజయ్ దేవరకొండను కాంటాక్ట్ చేస్తే రెండేళ్ళ దాకా ఖాళీ లేదని ఆ తర్వాత ప్లాన్ చేద్దామని చెప్పాడని హరీష్ చెప్పాడు. అంటే రౌడీ బాయ్ తో సినిమా తీసేందుకు అప్పుడే ప్రయత్నాలు జరిగాయన్న మాట. మరొక సంగతి చెబుతూ ప్రతి విషయానికి అందులోనూ నెగటివ్ గా వచ్చిన వాటికి విజయ్ దేవరకొండ ఎక్కువగా రియాక్ట్ అవుతున్నాడని అలా కాకుండా కూల్ గా ఉంటూ మన పని మనం చేసుకోవడం బెస్ట్ అని సలహా ఇచ్చాడు.

ఒక సీనియర్ దర్శకుడిగా హరీష్ శంకర్ సలహా ఇవ్వడం బాగుంది కాని విజయ్ ఎలా స్పందిస్తాడో చూడాలి. అన్నట్టు అప్పుడు హీరో చెప్పినట్టు అర్జున్ రెడ్డి తర్వాత రెండేళ్ళ గ్యాప్ అయితే పూర్తయిపోయింది. ఇప్పుడు గద్దలకొండ గణేష్ తో హరీష్ శంకర్ మంచి సక్సెస్ అందుకున్నాడు. ఇప్పుడైనా ఈ కాంబో వర్క్ అవుట్ అవుతుందేమో చూడాలి. ఇస్మార్ట్ శంకర్ తర్వాత పూరికి ఓటు వేసిన విజయ్ దేవరకొండ హరీష్ శంకర్ కొత్తగా అప్రోచ్ అయితే ఏమంటాడో