వాట్‌.. అసలు బన్నీ కోసం కథ లేదా?

గబ్బర్‌ సింగ్ డైరక్టర్‌ హరీశ్‌ శంకర్.. సుబ్రమణ్యం ఫర్‌ సేల్‌ తో హిట్టు కొట్టినా కూడా.. ఇంతవరకు కొత్త సినిమా మాత్రం మొదలవ్వలేదు. అయితే మనోడు స్టయిలిష్‌ స్టార్‌ అల్లు అర్జున్ తో తన తదుపరి సినిమాను చేస్తున్నాడని ఓ రెండు వారాల నుండి స్ర్టాంగ్‌ న్యూస్ వినిపిస్తున్న సంగతి తెలిసిందే. ఈ సినిమాలో శృతి హాసన్ హీరోయిన్ గా చేస్తోందని.. అలాగే రావు రమేష్‌ ఒక ముఖ్య పాత్రను పోషిస్తున్నారని కూడా విన్నాం. కాని ఇదంతా ఇప్పుడప్పుడే జరిగే సీన్ లేదంటున్నారు కొందరు సన్నిహితులు.

ఇప్పటివరకు కేవలం హరీశ్‌ శంకర్‌ ఒక లైన్‌ మాత్రమే చెప్పాడని.. ఆ కథ లైన్ ఎగ్జయిటింగ్‌ గా ఉండటంతో.. వెంటనే కథ డెవలప్‌ చేసుకుని రమ్మని బన్నీ అన్నాడని.. పూర్తి కథతో హరీశ్‌ రావడానికి ఇంకో నెల పడుతుందని.. ఆ తరువాత అందులూ మార్పులూ చేర్పులూ వార్పు వంటకం చేసేసరికి ఇంకో నెల పడుతుందని.. డైలాగ్‌ వర్షన్‌ ముగించి.. క్యాస్టింగ్ ఫైనల్‌ చేసి.. లొకేషన్లు కన్ఫామ్‌ చేసుకుని.. షూటింగ్‌ చేయడానికి.. ఫైనల్ గా మరో రెండు నెలలు పట్టే ఛాన్సుందని ఒక టాక్‌ వినిపిస్తోంది.

ఆ లెక్కన చూస్తే ప్రస్తుతం బన్నీ హీరోగా ఈ సినిమా పట్టాలెక్కాలంటే ఇంకో నాలుగు నెలలు కావాలి. అసలు ఓ యాంగిల్లో ఆలోచిస్తే.. హరీశ్‌ శంకర్‌ తో కలిపి ఏ దర్శకుడి దగ్గరా మన మెగా హీరో కోసం కథ అనేదే లేదా?? షాకింగ్‌ గా ఉన్నా కూడా ఇదే నిజం అంటున్నారు సన్నిహితులు.