టైటిల్ వివాదంపై హరీష్ శంకర్ ఏమన్నాడంటే ?

ఈ మధ్య టైటిల్ వివాదాలు తెలుగులో కామన్ అయిపోయాయి. అయితే 'వాల్మీకి' సినిమాకు ఆ టైటిల్ పెట్టడంపై కూడా వివాదం నడుస్తున్న సంగతి తెలిసిందే. బోయ సంఘాల వారు వరుణ్ ని విలన్ గా చూపిస్తూ 'వాల్మీకి' అనే టైటిల్ పెట్టడంపై మేకర్స్ పై కేసు వేసారు. ప్రస్తుతం ఆ కేసు నడుస్తుంది. ఈ విషయంపై లేటెస్ట్ గా ప్రెస్ మీట్ లో స్పందించాడు హరీష్ శంకర్.

చట్టం పరిధిలో ఉన్న విషయం గురించి మనం మాట్లాడకూడదు. కానీ ఒక్కటి మాత్రం చెప్పగలను బోయ సంఘాల వాళ్ళు వాల్మీకి అభిమానులు గర్వపడేలా సినిమా ఉంటుంది. అంటూ టైటిల్ వివాదం గురించి మాట్లాడాడు.

అయితే 'తొలి ప్రేమ' - 'ఫిదా' సినిమాలు చూసి వరుణ్ తో ఓ లవ్ స్టోరీ చేద్దామని వెళ్లి ఓ స్క్రిప్ట్ వినిపించనని కానీ అనుకోకుండా ఆ కథను పక్కన పెట్టి జిగర్తాండ రిమేక్ చేయాలని ఫిక్సయి 'వాల్మీకి' సినిమా చేసానని తెలిపాడు హరీష్. తాజాగా రిలీజైన 'వాల్మీకి' ట్రైలర్ కు సోషల్ మీడియాలో మంచి రెస్పాన్స్ వస్తుంది. ట్రైలర్ లో వరుణ్ డైలాగ్స్ హైలైట్ నిలుస్తున్నాయి. అన్ని కార్యక్రమాలు పూర్తి చేసుకొని ఈ సినిమా ఈ నెల 20న విడుదల కానుంది.