'సౌండ్స్ గుడ్' అంటున్న హరీష్ శంకర్...!

టాలీవుడ్ లో మాస్ డైరెక్టర్స్ గా గుర్తింపు తెచ్చుకున్న డైరెక్టర్స్ లో హరీష్ శంకర్ ఒకరు. 'మిరపకాయ్' 'గబ్బర్ సింగ్' 'సుబ్రహమణ్యం పర్ సేల్' 'దువ్వాడ జగన్నాథం' 'గద్దలకొండ గణేష్' వంటి సినిమాలను తెలుగు ప్రేక్షకులకు అందించారు. రియల్ లైఫ్ లో ఎలా బ్రతకాలని అందరూ కోరుకుంటారో హరీష్ తన సినిమాల్లో హీరో పాత్రని అలా క్రియేట్ చేస్తాడు. హీరోయిజంతో పాటు తన సినిమాల్లో డైలాగ్స్ కూడా అంతే పవర్ ఫుల్ గా ఉండేలా చూసుకుంటారు. అందుకే ప్రేక్షకులు తమ అభిమాన హీరో హరీష్ శంకర్ దర్శకత్వంలో ఒక్క సినిమా అయినా చేయాలని కోరుకుంటారు. అయితే హరీష్ సినిమాల్లో హీరో ప్రవర్తించినట్లే బయట కూడా తనకి నచ్చని విషయాల గురించి నిర్మొహమాటంగా మాట్లాడుతూ ఉంటాడు. డైరెక్టర్ గానే కాకుండా మంచి రచయితగా వన్ లైన్ పంచ్ డైలాగ్స్ స్పెషలిస్టుగా పేరు తెచ్చుకున్న హరీష్ శంకర్ ఇప్పుడు తన భావాలను ఆలోచనలను ''సౌండ్స్ గుడ్'' పేరుతో పోడ్ కాస్ట్ లో అకౌంట్ ఓపెన్ చేసారు. తూటాల్లాంటి తన మాటలను పాడ్ కాస్ట్ లో పెడుతున్నారు.

కాగా ఇప్పటికే టాలీవుడ్ లో డేరింగ్ అండ్ డాషింగ్ డైరెక్టర్ గా గుర్తింపు తెచ్చుకున్న పూరీ జగన్నాథ్ కూడా 'పూరీ మ్యూజింగ్స్' పేరుతో త‌న అనుభ‌వాలు భావాలు ఆలోచ‌న‌లు షేర్ చేసుకుంటున్నారు. ఆడియోల రూపంలో పూరీ తన ఐడియాల‌జీని పంచుకుంటూ అందరి దృష్టిని ఆకర్షించాడు. పూరీ ఐడియాస్ మనీ - సింప్లిసిటీ - ఫారెస్ట్ - స్ట్రగులింగ్ డేస్ - సేల్స్ బాయ్ - ధేడ్ దిమాక్ - బుద్ధ - రైల్వే స్టేషన్ - మదర్ - హ్యూమానిటీ - సోషల్ మీడియా - మ్యారేజ్ అనే ఎపిసోడ్స్ రూపంలో అందుబాటులో ఉన్నాయి. ఈ క్రమంలో ఇప్పుడు హరీష్ శంకర్ కూడా పూరీ దారిలో పాడ్ కాస్ట్ లో అడుగుపెట్టారు. టాలీవుడ్ లో ప్రస్తుతం స్టార్ డైరెక్టర్స్ గా కొనసాగుతున్న పూరీ జగన్నాథ్ - హరీష్ శంకర్ లు సినిమాలతోనే కాకుండా ఇలా తమ భావాలను వ్యక్తపరుస్తూ అందరిని అట్రాక్ట్ చేస్తున్నారు. 'పూరీ మ్యూజింగ్స్' గూగుల్ పోడ్ కాస్ట్ - ఆపిల్ పోడ్ కాస్ట్ - స్ఫోటిఫైలలో అందుబాటులో ఉండగా హరీష్ శంకర్ 'సౌండ్స్ గుడ్' స్ఫోటిఫైలో వినొచ్చు.