బిగ్ బాస్ బ్యూటీ రూటు మార్చిందా?

హరితేజ.. బిగ్ బాస్ రియాలిటీ షోతో పాపుల‌రైన న‌టి. బుల్లితెర యాంక‌ర్ గా.. క్యారెక్ట‌ర్ ఆర్టిస్టుగానూ పేరు తెచ్చుకుంటోంది. గ‌తంలో పలు సీరియల్స్ తోనూ తెలుగు లోగిళ్ల‌లో సుప‌రిచితం. నితిన్ హీరోగా సమంత హీరోయిన్ గా 2016లో త్రివిక్రమ్ దర్శకత్వం వహించిన `అఆ` సినిమాలో మంగమ్మ పాత్ర హరితేజకు మంచి గుర్తింపును తీసుకొచ్చింది. ప్రస్తుతం హరితేజ సినిమాల్లో నటిస్తూనే..పలు టీవీ షోలకు యాంకరింగ్ కూడా చేస్తున్నారు.

అంతేకాదు .. అంద‌రు తార‌ల్లానే హ‌రితేజ సోష‌ల్ మీడియాలో ఎంతో యాక్టివ్. అక్క‌డ ఎప్ప‌టిక‌ప్పుడు లేటెస్ట్ ఫోటోషూట్ల‌ను అభిమానుల‌కు షేర్ చేస్తున్నారు. ఇటీవల వోల్వో ఎస్‌.యూ.వీ కారును కొనుగోలు చేసిన హరితేజ... ఆ కారు ముందు ఫోటో దిగి సోషల్ మీడియాలో షేర్ చేయ‌డంత అది కాస్తా వైర‌ల్ అయిన సంగ‌తి తెలిసిందే. సినీ ప‌రిశ్ర‌మ‌లో తమ రేంజ్ పెరుగుతున్న కొద్దీ అందుకు తగ్గట్టుగా కార్లను మార్చాల్సి ఉంటుంది. యాంకర్ అనసూయ సైతం ఆడి కారును కొనుగోలు చేసిన‌ట్టే హ‌రితేజ కూడా త‌న పాత కార్ స్థానంలో వోల్వో కారును సొంతం చేసుకోవడంతో ఆ ఫోటో అభిమానుల్లో జోరుగా వైర‌ల్ అయ్యింది.

తాజాగా రివీల్ చేసిన స్పెష‌ల్ డిజైన‌ర్ లుక్ లో హ‌రితేజ ఎంతో స్లిమ్ గా క‌నిపిస్తోంది. మునుప‌టితో పోలిస్తే స్లిమ్ లుక్ మాత్ర‌మే కాదు హాట్ అప్పీల్ కూడా పెరిగింది. ఈ కొత్త లుక్ చూస్తుంటే అన‌సూయ‌.. రేష్మి త‌ర‌హాలోనే సినిమాల్లో జోరు పెంచాల‌ని అనుకుంటోందా? అంటూ అభిమానులు సందేహం వ్య‌క్తం చేస్తున్నారు. ఈ రేంజులో కిరాక్ పుట్టిస్తే ఛాన్సుల‌కు కొదవే ఉండ‌ద‌ని ఎంక‌రేజ్ చేస్తున్నారు.