అ..ఆ.. అమ్మాయి ఫేట్ మారిందిగా

అ..ఆ.. మూవీ బంపర్ హిట్ అవడంతో మాటల మాంత్రికుడు త్రివిక్రమ్ పేరు మార్మోగిపోతోంది. ఇది సహజమే కాదు ఊహించినదే కూడా. మెచ్యూర్డ్ యాక్షన్ తో యంగ్ హీరో నితిన్.. తనలో కొత్త వేరియేషన్ చూపించాడు. హీరోయిన్ సమంత ఆద్యంతం కొత్తదనం చూపించింది. రావురమేష్ పాత్ర సరేసరి. వీరందరితోపాటు అ..ఆ..తో మరో అమ్మాయికి ఫేట్ మారిపోయింది. హీరోయిన్ సమంతతో పాటు ఉండే పాత్రను హరితేజ చేసింది.

హీరోయిన్ రోల్ కు అసిస్టెంట్ అయినా.. సినిమా అంతా కనిపించడం ఈ రోల్ స్పెషాలిటీ. ఇంకా చెప్పాలంటే నితిన్ - సమంతల తర్వాత సినిమాలో ఎక్కువసేపు కనిపించేది హరితేజ పాత్రే. సాధారణంగా ఇలాంటి రోల్స్ ఏదో ఉన్నాయన్న పేరుకు ఉంటాయి. కానీ త్రివిక్రమ్ హరితేజ పాత్రపై బాగానే కాన్సంట్రేట్ చేశాడు. అందుకే కామెడీ పంచ్ లు కూడా చాలానే పేల్చాడు. 'రాత్రంతా మూస్కోవడం తెరుచుకోవడం చేస్తుంటే.. ఇక పడుకునేదెప్పుడో' అని హరితేజ చెప్పిన డైలాగ్ బాగా పేలింది.

ఈ అమ్మాయి కొత్తగా కనిపించినా.. గతంలో విలేజ్ లో వినాయకుడు చిత్రంతోనే తెరంగేట్రం చేసింది. అప్పుడు పేరు రాకపోయినా.. అ.ఆ.లో మాత్రం ఈమె చేసిన యాక్టింగ్ అందరినీ ఆకట్టుకుంది. నిజానికి ఈ హరితేజ సీరియల్స్ ద్వారా తెలుగు ప్రేక్షకులకు బాగా తెలిసిన అమ్మాయే. ఇప్పుడు సినిమాల్లో యాక్టింగ్ కి కూడా మంచి పేరు రావడంతో.. ఈమె కెరీర్ పరుగులు పెట్టడం ఖాయమని సినీజనాలు అంచనా వేస్తున్నారు.