చిట్టికి కేదారుడి గండం

ప్రస్తుతం బాక్స్ ఆఫీస్ దగ్గర స్లో అయిపోయిన 2.0 కి ప్రాంతీయంగా పూర్తి రికవరీ చాలా కష్టమని తేలిపోయింది. అంతో ఇంతో నార్త్ లోనే బాగా రాబడుతుండటం లైకా కు ఊరటనిస్తోంది. తెలుగుతో పాటు తమిళ్ సైతం పెట్టుబడి మొత్తం వెనక్కు తెచ్చే విషయంలో ట్రేడ్ అనుమానంగానే ఉంది. వీకెండ్స్ మీదే హోప్స్ అన్ని పెట్టుకుని శని ఆదివారాల కోసం ఎదురుచూస్తోంది. గ్రాఫిక్స్ వరకు ఓకే కానీ అంచనాలకు తగ్గట్టు ఎమోషన్స్ కూడా అద్భుతంగా పండి ఉంటె 2.0 కలెక్షన్స్ గురించి ఏ మాత్రం దిగులు ఉండేది కాదు.

ఇకపోతే పట్టుమని వారం దాటడం ఆలస్యం బలంగా ఉన్న 2.0కి కొత్త విడుదలలు అడ్డంకి గా మారబోతున్నాయి. ఏదీ రజని స్థాయి పోటీ కాదు కానీ కంటెంట్ ఉందనే టాక్ వస్తే ఆటోమేటిక్ గా సవాల్ విసురుతాయి. తెలుగు సంగతి పక్కన పెడితే హిందీలో డిసెంబర్ 7న కేదార్ నాధ్ విడుదల కాబోతోంది. స్టార్ హీరో సైఫ్ అలీ ఖాన్ కూతురు సారా అలీ ఖాన్ డెబ్యూ మూవీగా దీని మీద చాలా అంచనాలు ఉన్నాయి. పుణ్యక్షేత్రమైన కేదారనాథుడి నేపధ్యాన్ని తీసుకుని వరదల బ్యాక్ డ్రాప్ లో విజువల్ ఎఫెక్ట్స్ సహాయంతో దీన్ని భారీ బడ్జెట్ తో రూపొందించారు. అభిషేక్ కపూర్ దర్శకత్వం వహించిన ఈ మూవీ కి ధోని ఫేమ్ సుశాంత్ రాజ్ పుత్ హీరో.

2.0 పోటీ కి కేదార్ నాథ్ భయపడటం లేదు. డిఫరెంట్ జానర్ మూవీ కాబట్టి మంచి ఓపెనింగ్స్ తో పాటు టాక్ కూడా బాగా వస్తుందనే నమ్మకం తో ఉంది యూనిట్. ఒకవేళ సారా డెబ్యూతో పాటు సినిమా కూడా మెప్పించేలా ఉంటే మాత్రం 2.0కు కేదార్ నాథ్ నుంచి గండం ఉన్నట్టే. సైఫ్ ఫాన్స్ సపోర్ట్ తో కనీసం పది కోట్లకు పైగా ఫస్ట్ డే ఓపెనింగ్ ని ఆశిస్తోంది ట్రేడ్.