ఎన్టీఆర్ లో బాలకృష్ణ లేడా ?

హెడ్ లైన్ చూసి షాక్ అవ్వకండి. అదేమీ న్యూస్ వైరల్ కావడం కోసం పెట్టిన ట్యాగ్ కాదు. నందమూరి అభిమానుల మెదళ్లను తొలుస్తున్న ప్రశ్న ఇది. కథానాయకుడు మహానాయకుడు రెండు భాగాలూ కలిపి ఎవరెవరు నటిస్తున్నారో మొత్తం లిస్టు బయటికి వచ్చేసింది. స్వర్గీయ ఎన్టీఆర్ నట రాజకీయ జీవితంలో కీలక పాత్ర ఎవరైతే పోషించారో అందరిని చూపించేసారు. అయితే అసలైన ఎన్టీఆర్ నట వారసుడు బాలకృష్ణ పాత్ర ఇందులో ఉందా లేదా అనే సస్పెన్స్ మాత్రం వీగిపోలేదు. యాక్టర్స్ ని రివీల్ చేసిన వీడియోలో కూడా ఆ పేరు లేదు. మరి ఏమై ఉంటుందా అనే సందేహం రావడం సహజం.

అయితే దీనికి సంబంధించి రెండు కథనాలు వినిపిస్తున్నాయి. అందులో ఒకటి ఇందులో బాలయ్య పాత్ర డైరెక్ట్ గా చూపరట. కేవలం లాంగ్ షాట్స్ బ్యాక్ యాంగిల్స్ లో మాత్రమే ఓ మూడు సన్నివేశాల్లో చూపించి బాలయ్య డూప్ తో పని కానిచ్చేసారని చెబుతున్నారు. మరో వెర్షన్ టాక్ ఏంటంటే బాలకృష్ణ పాత్ర బాలకృష్ణే చేసారట. రూపురేఖలలో శరీర సౌష్టవంలో బాలయ్యకు తనకు తానే సాటి కాబట్టి ఆ రకంగా ఇలా చూపడం ప్లస్ అవుతుందే తప్ప సమస్య కాదని క్రిష్ చెప్పడంతో ఒప్పుకున్నాడని మరో టాక్ ఉంది.

అంతకు ముందు ఈ పాత్రలో మోక్షజ్ఞ లేదా జూనియర్ ఎన్టీఆర్ తో చేయించవచ్చు అనే టాక్ వచ్చింది. కాని అదేమీ లేదని తర్వాత తేలిపోయింది. సో సినిమా ఎన్టీఆర్ లో బాలకృష్ణగా నటించింది అయితే బాలయ్య ఉండాలి లేదా ముందు చెప్పినట్టు మొహం కనిపించని ఆర్టిస్టుతో మేనేజ్ చేసైనా ఉండాలి. ఏదైతేనేం ఎన్టీఆర్ రోజుకోరకంగా వార్తల్లో నిలుస్తూనే ఉంది.