లిస్టు లో బాలకృష్ణ.. కృష్ణ మిస్సయ్యారే!

ఎన్టీఆర్ బయోపిక్ విడుదల తేదీ దగ్గర పడేకొద్దీ ప్రమోషన్స్ జోరుగా సాగుతున్నాయి. ఆడియో.. ట్రైలర్ రిలీజ్ అయ్యాయి.. ప్రీ రిలీజ్ ఈవెంట్లు జరిగాయి. తాజాగా ఈ సినిమాలో నటీ నటులు వారు పోషించే పాత్రల లిస్టు బయట పెట్టారు. సినిమాలోని పాత్రలు - నటులు అందరూ ఒకే గానీ ఇద్దరు ముఖ్యమైన పాత్రలు మాత్రం లిస్టులో మిస్ అయ్యాయి.

అవే సూపర్ స్టార్ కృష్ణ.. నటసింహం నందమూరి బాలకృష్ణ పాత్రలు. కృష్ణ పాత్రలో మహేష్ బాబును నటింపజేయాలని బాలయ్య - క్రిష్ ప్రయత్నించారని వార్తలు వచ్చాయిగానీ మహేష్ ఒప్పుకున్నాడా లేదా అనే విషయంలో కన్ఫర్మేషన్ లేదు. మరోవైపు బాలయ్య పాత్రలో మోక్షజ్ఞ తేజ నటిస్తాడని అన్నారుగానీ ఇప్పటి వరకూ ఆ విషయంలో అప్డేట్ లేదు. ఒకవేళ మోక్షజ్ఞ ఈ సినిమాలో నటిస్తే తనకు టాలీవుడ్ ఎంట్రీ అవుతుంది. ఖచ్చితంగా ఈ సినిమా నందమూరి ఫ్యాన్స్ కు స్పెషల్ గా మారుతుంది. మరోవైపు.. ఈ సినిమాలో ఎంతమంది నటీనటులున్నా మహేష్ బాబు రేంజ్ స్టార్ మాత్రం లేరు. మహేష్ ప్రెజెన్స్ సినిమాకు ప్లస్ గా మారుతుంది.

మరి మహేష్.. మోక్షజ్ఞ ల పాత్రలు సర్ప్రైజ్ గా ఉంచారా లేదా కృష్ణ.. బాలకృష్ణ పాత్రలకు వేరే వ్యక్తులను తీసుకున్నారా అనే విషయం సినిమా రిలీజ్ అయితేగానీ తెలిసేలా లేదు. ఏదేమైనా ఎన్టీఆర్ బయోపిక్ మాత్రం ప్రేక్షకుల్లో రోజురోజుకీ ఆసక్తిని మరింతగా పెంచుతోంది.