ఏకంగా 7 సినిమాలు లైనప్ చేసింది.. యంగ్ హీరోయిన్ సూపర్ ఫామ్!

సౌత్ ఇండస్ట్రీలో ఎల్లప్పుడూ కుర్రకారుకు మోస్ట్ ఫేవరేట్ హీరోయిన్స్ లో ఒకటి రాశిఖన్నా. ఇండస్ట్రీలో ఎప్పుడైతే కరోనా ఎంట్రీ ఇచ్చిందో అప్పటినుండి మొహాలకి అడ్డులేకుండా బయట కనిపించడం లేదు. కానీ ఫేవరేట్ హీరోయిన్ గ్లామర్ దాచినా సరే ఫ్యాన్స్ గుర్తించడం మర్చిపోతారా.. అమ్మడు ఎక్కడ కనిపించినా ఇట్టే గుర్తుపట్టి సెల్ఫీలు అంటుంటారు. ఈ మధ్యన రాశి కేవలం సోషల్ మీడియాలోనే టాలీవుడ్ ప్రేక్షకులను పలకరిస్తుంది. ఎప్పుడైతే వరల్డ్ ఫేమస్ లవర్ ప్లాప్ అయిందో.. అప్పటినుండి రాశి తెలుగులో మళ్లీ సినిమాలు చేయలేదు. అలాగని సంవత్సరం పాటు ఏ తెలుగు సినిమా కూడా ప్రకటించలేదు. అమ్మడి వాలకం చూస్తుంటే తెలుగు సినిమాలకు బ్రేక్ ఇచ్చినట్లుందని అందరూ అనుకున్నారు. అదిగాక మొన్నటివరకు రాశి చేతినిండా తమిళ సినిమాలే ఉన్నాయి.

ఊహలు గుసగుసలాడే సినిమాతో టాలీవుడ్ ఎంట్రీ ఇచ్చినటువంటి ఈ ఢిల్లీ సోయగం.. ప్రస్తుతం సూపర్ ఫామ్ కంటిన్యూ చేస్తోంది. ఇటు తెలుగు తమిళంతో పాటు మలయాళం హిందీ సినిమాలను కూడా ఈ లాక్డౌన్ లో లైనప్ చేసింది. అయితే తెలుగులో సినిమాలు చేసింది కానీ ఇంతవరకు స్టార్ హీరోయిన్ స్టేటస్ అందుకోలేకపోయింది అమ్మడు. ఇప్పటికి తనకంటూ స్టార్డం క్రియేట్ చేసుకోడానికి కష్టపడుతుంది. 'ఇమైకనొడిగళ్' అనే సినిమాతో తమిళ ఇండస్ట్రీకి పరిచయమైంది రాశి. ఆ సినిమా మంచి విజయం సాధించి మంచి క్రేజ్ తెచ్చిపెట్టింది. అందుకే ఇప్పుడు అరణ్మనై-3 - మేధావి - తుగ్లక్ దర్బార్ - సర్దార్ - సైతాన్ క బచ్చా ఇలా వరుసగా తమిళ సినిమాలలో నటిస్తోంది. అయితే అటు గ్లామర్ రోల్ అయినా ఇటు ట్రెడిషనల్ రోల్ అయినా ఇట్టే ఆకట్టుకుంటుంది రాశి. వీటితో పాటు తెలుగులో నాగచైతన్య సరసన థాంక్యూ - గోపీచంద్ తో పక్కా కమర్షియల్ సినిమాలు చేస్తోంది. చూస్తుంటే వచ్చే ఏడాది కూడా రాశి కాల్ షీట్స్ ఖాళీగా ఉన్నట్లు అనిపించడం లేదని ఇండస్ట్రీ టాక్.