‘ఎన్టీఆర్‌’ రికార్డ్‌ కు ఫ్యాన్స్‌ వేలం పాట

నందమూరి తారక రామారావు జీవిత చరిత్ర ఆధారంగా తెరకెక్కిన ‘ఎన్టీఆర్‌’ చిత్రం మరి కొన్ని రోజుల్లో సంక్రాంతి కానుకగా ప్రేక్షకుల ముందుకు వచ్చేందుకు సిద్దం అవుతోంది. బాలయ్య ఇప్పటి వరకు నటించిన సినిమాలు ఒక ఎత్తు అయితే, ఈ చిత్రం ఒక ఎత్తు అంటూ ఫ్యాన్స్‌ ప్రేక్షకులు ఎంతో ఆసక్తిగా ఎదురు చూస్తున్నారు. ఇప్పటి వరకు ఓవర్సీస్‌ లో బాలయ్య పెద్దగా ప్రభావం చూపించలేక పోయాడు. కాని ఈసారి మాత్రం అక్కడ కుమ్మేయడం ఖాయంగా కనిపిస్తోంది.

నందమూరి ఫ్యాన్స్‌ ఓవర్సీస్‌ లో ‘ఎన్టీఆర్‌’ కు రికార్డు స్థాయి ఓపెనింగ్‌ వచ్చేలా ప్రయత్నాలు చేస్తున్నారు. అత్యథికంగా స్క్రీన్స్‌ లో ప్రదర్శించేలా డిస్ట్రిబ్యూటర్‌ తో చర్చలు జరపారు. ఇక అన్ని స్క్రీన్స్‌ లో కూడా టికెట్లను అభిమాన సంఘం వారు బల్క్‌ గా తీసుకునేందుకు సిద్దం అవుతున్నారు. టికెట్లను అత్యధిక రేటుకు కొనుగోలు చేసేలా కొన్ని స్క్రీన్స్‌ కు చెందిన టికెట్లను వేలం పాట కూడా పెట్టాలని ఫ్యాన్స్‌ అసోషియేషన్‌ వారు ప్రయత్నాలు చేస్తున్నారట.

మొత్తానికి ‘ఎన్టీఆర్‌’ ఓవర్సీస్‌ లో రికార్డు స్థాయి ఓపెనింగ్స్‌ ను రాబట్టడం ఖాయంగా కనిపిస్తోంది. సినిమా ప్రీమియర్‌ షోలను చిత్ర యూనిట్‌ సభ్యులు భారీ ఎత్తున ప్లాన్‌ చేస్తున్నారు. అభిమానులు అందుకు సహకారం అందించి భారీ ఓపెనింగ్స్‌ కు తమ వంతుగా కృషి చేయనున్నారట. సంక్రాంతికి ఇతర పెద్ద సినిమాలున్నా కూడా ‘ఎన్టీఆర్‌’ తన సత్తా చాటడం ఖాయం అంటూ సినీ వర్గాల వారు నమ్మకంగా ఉన్నారు.