ప‌వ‌న్ క‌ల్యాణ్ డైరెక్ట‌ర్ కు హీరో దొరికాడా?

క్రేజీ స్టార్ల‌తో క‌లిసి సినిమాలు చేసే అవ‌కాశాల్ని ఊహించ‌ని విధంగా సొంతం చేసుకున్న ద‌ర్శ‌కులు ఈ మ‌ధ్య నెక్స్ట్ మూవీని ప‌ట్ట‌డం క‌ష్టంగా మారింది. సినిమా ఆశించిన ఫ‌లితాన్ని రాబ‌ట్ట‌లేక‌పోవ‌డంతో కొంత మంది నెక్స్ట్ మూవీ కోసం ఇబ్బందులు ప‌డుతుంటే మ‌రి కొంత మంది మాత్రం ఊహించ‌ని విధంగా స్టార్ హీరోని డైరెక్ట్ చేసే అవ‌కాశాన్ని ద‌క్కించుకుని ఆశించిన స్థాయి విజ‌యాన్ని సొంతం చేసుకుని కూడా కొత్త ప్రాజెక్ట్ కోసం ఇబ్బందులు ప‌డాల్సి వ‌స్తోంది.

ఇటీవ‌ల‌ స్టార్ హీరో ప‌వ‌ర్ స్టార్ ప‌వ‌న్ క‌ల్యాణ్ తో సినిమా చేసే అవ‌కాశాన్ని సొంతం చేసుకున్న ద‌ర్శ‌కుడు సాగ‌ర్ కె. చంద్ర‌. ప‌వ‌న్ క‌ల్యాణ్ తో 'భీమ్లానాయ‌క్‌' మూవీని డైరెక్ట్ చేసిన విష‌యం తెలిసిందే. అయితే ఈ మూవీకి త్రివిక్ర‌మ్ మాట‌లు, స్క్రీన్ ప్లే అందించిన తెర‌వెన‌క వుండి న‌డించించ‌డంతో ఆ క్రెడిట్ సాగ‌ర్ చంద్ర‌కు ద‌క్క‌లేద‌నే కామెంట్ లు వినిపించాయి. త్రివిక్ర‌మ్ షాడోలో ఈ భారీ ప్రాజెక్ట్ ని చేసినా త‌న‌దైన మార్కుని చూపించ‌డంతో సాగ‌ర్ చంద్ర స‌క్సెస్ అయ్యాడు.

ఈ మూవీ విడుద‌లై నెల‌లు గ‌డుస్తున్నా ఈ ద‌ర్శ‌కుడికి మ‌రో సినిమా ద‌క్క‌క‌పోవ‌డంతో ప‌లు ర‌కాల వార్త‌లు పుట్టుకొచ్చాయి. ప‌లువురు హీరోలు అత‌నితో సినిమాలు చేయ‌డానికి రెడీ అవుతున్నార‌ని, త్వ‌ర‌లోనే భారీ ప్రాజెక్ట్ ని సాగ‌ర్ కె. చంద్ర ప్ర‌క‌టించ‌డం ఖాయం అంటూ క‌థ‌నాలు వినిపించాయి. అయితే వాటిపై ఇప్ప‌టి వ‌ర‌కు ఎలాంటి ప్ర‌క‌ట‌న రాలేదు. ద‌ర్శ‌కుడు సాగ‌ర్ కె. చంద్ర నుంచి కూడా ఎలాంటి ప్ర‌క‌ట‌న రాలేదు.

ఇదిలా వుంటే తాజాగా ద‌ర్శ‌కుడు సాగ‌ర్ చంద్ర‌కు హీరో దొరికాడట‌. హీరో బెల్లంకొండ శ్రీ‌నివాస్ అని తెలిసింది. ఇప్ప‌టికే త‌న‌కు సాగ‌ర్ కె. చంద్ర క‌థ వినిపించాడ‌ని, త‌న‌కు బాగా న‌చ్చింద‌ని త్వ‌ర‌లోనే దీనికి సంబంధించిన అధికారిక ప్ర‌క‌ట‌న రానుంద‌ని తెలుస్తోంది. బెల్లంకొండ శ్రీ‌నివాస్ ప్ర‌స్తుతం 'ఛ‌త్ర‌ప‌తి' రీమేక్ లో న‌టిస్తున్న విష‌యం తెలిసిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.