సూర్య క‌న్ను ఇప్పుడు ఆ సిరీస్ పై ప‌డిందా?

ఈ మ‌ధ్య కాలంలో ఏదైనా సినిమా బ్లాక్ బ‌స్ట‌ర్ హిట్ గా నిలిస్తే దానికి సీక్వెల్స్ చేయ‌డం అల‌వాటుగా మారిపోతోంది. ఇప్ప‌టికే చాలా వ‌ర‌కు హిట్ సినిమాల‌కు ఫ్రాఛైజీలు పుట్టుకొచ్చాయి. అందులో కొన్ని బ్లాక్ బ‌స్ట‌ర్ హిట్ లుగా మారితే మ‌రి కొన్ని ఆశించిన స్థాయిలో ఆక‌ట్టుకోలేక‌పోయాయి. ఈ సంప్ర‌దాయాన్ని గ‌తంలోనే మొద‌లు పెట్టిన హీరో సూర్య త్వ‌ర‌లో మ‌రో ఫ్రాంచైజీని సెట్స్ పైకి తీసుకురావాల‌ని ప్లాన్ చేస్తున్నాడ‌ట‌.

వ‌రుస ఫ్లాపుల త‌రువాత 'సూర‌రైపోట్రు' (ఆకాశం నీ హ‌ద్దురా) మూవీతో మ‌ళ్లీ స‌క్సెస్ బాట ప‌ట్టాడు త‌మిళ‌ హీరో సూర్య‌. బ్యాక్ టు బ్యాక్ రెండు స‌క్సెస్ ల‌ని త‌న ఖ‌తాలో వేసుకున్నాడు. 'సూర‌రైపోట్రు' (ఆకాశం నీ హ‌ద్దురా) త‌రువాత సూర్య న‌టించిన‌ 'జై భీమ్‌' మూవీ కూడా సూప‌ర్ హిట్ గా నిలిచి విమర్శ‌కుల ప్ర‌శంస‌ల్ని సైతం అందించ‌డ‌మే కాకుండా ప‌లు వివాదాల్ని సృష్టించింది. రీసెంట్ గా 'ఎంతార్కుమ్ తున్నిద‌వ‌న్‌'తో ఫ్లాప్ ని ఎదుర్కొన్న సూర్య ప్ర‌స్తుతం రెండు క్రేజీ ప్రాజెక్ట్ ల‌లో న‌టిస్తున్నాడు.

'సిరుతై' శివ ద‌ర్శ‌క‌త్వంలో స్టూడియో గ్రీన్ బ్యాన‌ర్ పై నిర్మాత‌ కె.ఇ. జ్ఞాన‌వేల్ రాజా నిర్మిస్తున్న పీరియాడిక్ డ్రామాలో న‌టిస్తున్నాడు. దిషా ప‌టాని హీరోయిన్ గా న‌టిస్తున్న ఈ మూవీని 3డీ ఫార్మాట్ లోనూ విడుద‌ల చేయ‌నున్నారు. ప్ర‌స్తుతం ఈ మూవీ షూటింగ్ ద‌శ‌లో వుంది. ఇదిలా వుంటే బాల ద‌ర్శ‌క‌త్వంలో కొన్నేళ్ల విరామం త‌రువాత 'వనాంగాన్‌' మూవీతో పాటు వెట్రిమార‌ణ్ డైరెక్ష‌న్ లో 'విడివాస‌ల్‌'లోనూ న‌టిస్తున్నాడు.

ఇదిలా వుంటే ఈ క్రేజీ ప్రాజెక్ట్ ల‌తో పాటు మ‌రో క్రేజీ ఫ్రాఛైజీని ప‌ట్టాలెక్కించ‌డానికి సూర్య ప్లాన్ చేస్తున్న‌ట్టుగా వార్త‌లు వినిపిస్తున్నాయి. యాక్ష‌న్ చిత్రాల దర్శ‌కుడు హ‌రి ద‌ర్శ‌క‌త్వంలో సింగం, సింగం 2, సింగం 3 వంటి సిరీస్ ల‌ను చేసిన విష‌యం తోలిసిందే. అయితే ఇందులో సింగం, సింగం 2 చిత్రాలు మాత్ర‌మే సూప‌ర్ హిట్ అనిపించుకున్నాయి. సింగం 3 ఆశించిన స్థాయిలో ఆక‌ట్టుకోలేక‌పోయింది. అయితే త్వ‌ర‌లో దీనికి కొన‌సాగింపుగా 'సింగం 4' ని తెర‌పైకి తీసుకురావాల‌ని సూర్య‌, ద‌ర్శ‌కుడు హ‌రి ప్లాన్ చేస్తున్నార‌ట‌. ప్ర‌స్తుతం దీనికి సంబంధించిన చ‌ర్చ‌లు జ‌రుగుతున్నాయ‌ని, స్క్రిప్ట్ ఫైన‌ల్ అయితే త్వ‌ర‌లోనే సూర్య ఈ ప్రాజెక్ట్ ని అధికారికంగా ప్ర‌క‌టించ‌డం ఖాయం అని తెలుస్తోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.